هاى انا جديدة هنا وبصراحة مبعرفش اعمل اى اكل خالص
كل الأكل الى كنت باكلة من وانا صغيرة كان فاست فودxفاست فود
اما كبرت كنت ضربت لمستوى لا بأس بة من السمنة 130 كيلو
عقدت العزيمة انى هتخلى عن اى اكل كنت بحبة عشان يتخلى عنى جزء من الوزن دة
بعد تلت سنين انهردة بقيت ولله الحمد 89 كيلو مبسوطة جداً مفيش كلام
بس مشكلتى دلوقتى انى بقيس الأكل بالمسطرة والمنقلة والبرجل وعندى ميزان مطبخ مبكلش حاجة غير لما تتوزن علية
دلوقتى انا بحب الفول المدمس اوى اكتر من البيتزا الى كنت باكلها تلت مرات فى اليوم زمان
بس المشكلة انى مبعرفش اقيسة
يعنى مثلاً فول بتاع شركة امريكانا 111 سعر على ال150 جرام فول كامل منغير مية بس مشكلتة انة غالى دة غير انى مبحبش اكل حاجة فيها مواد حافظة
والاقى فى مواقع البحث تقليك الفول المدمس 150 سعر فى كل 100 جرام طيب ازاى والبياع بيبقى ملية مية عشان يبيع الكيلو على انة 10 كيلو وتكادى تلاقى فولاية فى الكيس اصلاً
انا مش مقتنعة اصراحة
الخوف من المجهول ذقنى لأنى ابدأ اول طريقى فى الطبخ بعمل "الفول" عشان اعرف المقادير الى هحطها هتبقى قد اية على الحلة من ثم الطبق واريح دماغى منغير مضطر انى اكل اقل خوفاً من انى اكون باكل كتير
بعد الرغي الغير منتهى دة الى انا عايزاة
– اسمة اية الفول الى هجيبة من عند العطار وبيبقى لية شكل معين؟
– اية احسن اشترى قدرة فول صغيرة ولا حلة ضغظ
– اية المقادير بتاعت الفول بظبط يعنى قد اية فول على الحلة او القدرة كام لتر مية بظبط ولو هحط طماطم مثلا طماطماية كبيرة ولا صغيرة ولا وسط
– التسخين يبقى عامل ازاى على نار هادية ولا جامدة ولمدة قد اية واعرف امتى انة استوى
ارجوكم ساعدونى مواضيع هذا القسم برعاية
روريكار روريكار فتكات حبوبة Fatakat 782773 القاهرة – مصر