بسم الله الرحمن الرحيم
وبه نهتدى ونستعين
اخواتى واحبابى الحلوين
مسابقتنا اليوم مسابقه من طراز خاااااااااااص جدا
والمطلوب فيهه طريقه اكله جديده وحصريه
لمدونة فتكات الحبيب
فقعدت امخمخ وافكر وافكر
لحد ما توصلت لاكله عملت سيرش فى فتكات والحمد لله ولا موجوده بفتكات ولا على اى مدونة
يعنى حصرررررررررررررررررررررريه لفتكات
كلنا سمعنا عن البطاطس المحشيه كفته والكوسه بالكفته
لكن مسمعناش عن كفته محشيه ومقليه وده الجديد
وانا معاكم دى اول اختراع ليه فيها بصراحه وطلع تحفففففففففففففه مووووووووت
كفته محشيه بخلطه البيتزا
مكوناتها
ذى ما انتم شايفين دى مكونات الحشوه وهى عباره عن
جبنه كاسات لافاشكرى لانها محدقه
وجبنه رومى مقطعه طوليا
وفلفل رومى مقطع طوليا وزتون مقطع
وشرايح رفيعه طماطم بس مصورتهاش
ودى الكفته
وهى كفته عاااديه بصل مبشور وملح وفلفل وبهارات كفته
ومعلقه كبيره بقسماط مطحون عشان تمسك نفسها شويه
ودى حشووووووووووووووووه اخرى
وهى عباره عن بطاطس مهروسه وفيها ملح وفلفل وكمون وبعملها رولز رفيع
ودى التوابل اللى حنتبل بيها الكفته
بيض ودقيق عليه معلقه نشا
والبقسماط انا اشتريت بقسماط وطحنته 80 فى الميه يعنى مجروش عشان يكون كرسبى
الطرررررررريقه
وهنا بنضع كيس على الرخامه لفرد الكفته ولسهوله لفها
وهنا نبدا نفرد الكفته على صوره مربع
ونحط الجبنه الكاسات الاول نفردها على الكفته
وبعدين نحط شريحه الجبنه الرومى وشرايح الفلفل والطماطم والزتون
بحيث انهم يكونو مش كتير وتقدرى تقفلى الرول كويس
ونبدا نلف الرول بالكيس اللى حطيناه عشان متتفرفتش معانا
وبعدين نضغط عليه كويس عشان يقفل
ونقفله من الاجناب كويس جدا
وبعدين نحطه بالدقيق
وبعدين البيض
وبعدها البقسماط المجروش عشان بيكون فى القلى روووووووووووووووعه
وفى الطبق وعلى التلاجه لحد لما تخلصى الكميه بتاعتك
اما حشوه البطاطس ده شكلها بحط معاها جبنه رومى لذوم التحديق
وتجهزى طاسه فيها زيت غريز ونبدا القلى
وعلى نار متوسطه
ياخبرررررررررررررر الريحه قالبه الدنيا بجد تجربه مذهللللللللللله فعلا
ونقلبها لما تحمر على الجانب الاخر شوفو السمسم بتاع البقسماط باين ولذيذ فيها اذاى
وكمان الحمار لا متفهموش غلط قصدى اللون التحمير رائع اذاى
انتظروووووووووووووووووووووونى اللى جاى احلى
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره