السلام عليكم ورحمة الله وبركاته كل سنة وانتم طيبين بمناسبة شهر رمضان الكريم أعاده الله علينا وعلى الأمة المسلمة بالخير واليمن والبركات حبيت اقولكم على وصفة أكل خفيفة وسهلة فى نفس الوقت علشان ما نضيعش وقتنا فى رمضان ونحاول نستغلوا احسن استغلال الاكلة النهاردة اللى هاقولكوا عليها هى كفتة داوود باشا بالصلصة ومقاديرها هى نصف كيلو لحمة مفرومة + بيضاية + ملح+فلفل إسود +بصلاية صغيرة مبشورة +نصف كوب دقيق الطريقة نضيف البصلة المبشورة على اللحمة المفرومة والملح والفلفل والبيضاية ثم يدعكوا جيدا الى ان يتجانسوا مع بعضهم كويس ثم نأخذ من اللحمة المفرومة قطع صغيرة جدا وتدحرج فى الدقيق بسيط وتكور باليد الى ان تخلص الكمية كلها ثم تحمر فى طاسة تيفال ويكون فيها حوالى نصف كوب زيت للقلية وتحمر وتقلب الى ان تحمر الكفتة كلها وتصبح لونها ذهبى وفى طاسة أخرى نعمل الصلصة وهى نضع ملعقة زيت زيتون أو زيت ذرة ويضاف ملعقتين صلصة وممكن قليل من الماء نصف كوب ونسيبها لحد ما تتسبك ثم يوضع فيها الكفتة المحمرة لحد ما تستوى وممكن كمان نضيف عليها فى الصلصة حبة ماشروم او عيش الغراب للى يحب انا عن نفسى بعملها كدة وبتبقى طعمها روعة ومغذية فى نفس الوقت وتقدم معاها مكرونة اوبطاطس محمرة وطبعا ماتنسوش السلطة وبألف هنا وشفا وياريت ما ننساش التقييم من فضلكم وأى استفسار تحت امركم مواضيع هذا القسم برعاية
روشا المنكوشه روشا المنكوشه 599961_3.gif فتكات نشيطة Fatakat 599961 الهرم – مصر
سبحان الله و بحمده