السلام عليكم ورحمة الله و بركاته
فتوكاتي وحشتوني اوي جدا جدا
النهارده جايبالكو غدايا و جاية ههههههه
الغدا كان ريش بتلو و مكرونة بالصلصة و سلطة طحينة و بطاطس محمرة
يلا بينااااا:
اولا انا معرفتش اصور الخطوة دي عشان الموبايل عمل معايا الدنيئة و فصل
اول حاجة بنجيب الريش و ندقها بالمدق عشان تتفرد معايا و بتبلها ((ببصلة و طماطماية و ملح و فلفل و معلقة صويا صوص و معلقة خل و نص لمونة و معلقة صغيرة سكر و نص معلقة زعتر ناعم و توم بودر يدوب ربع معلقة ))
و اضربي يف الكبة لحد ما تنعم و حطي فيها الريش لتاني يوم يعني انا عملت الحاجات دي امبارح بليل
و دي شكل الريش لما طلعتها من التلاجة
على فكرة التتبيلة دي روعة و الله
تاني خطوة نجيب الجريل بتاعنا اللطييييف ده انا على فكرة بحبة و بحب اشوي عليه كل حاجة و ندهنة زيت خفيف
و نمسح الريش من التتبيلة بتاعتها عشان متتحرقش
و نحطها ع الجريل
و نسيبها تتشوي و نقلبها
ع الجريل هتبقى 3 اربع سوا لكن جوزي بيحبها مستويا اخر اخر فيصل هههههههههههه متشدش خالص
مسحت الجريل و دهنت نقطتين زيت و شويت كله وبعد كده حطيتهم في الصانية تكمل سواها في الفرن
و غطيتها بالفويل و حطيتها في الفرن بتاع نص ساعة كده من غير ماية ولا حاجة هى هتنزل ميتها صوص تحفة ولا الريحة مهما اوصف تحفةةةةةةةةةة
و ادي النتيجة
وكمان صورة للتشويق و الاثارة ههههههههههه
ندخل بقى ع المكرونة اللي طلعت تحفة الحمد لله و عجبت جوزي جدا
نسلق المكرونة عادي بملح و نقتتين زيت في الميا و اما تغلي نحط المكرونة تستوي نصفيها و شكرا
الصلصة :
5 طماطم نضربها في الخلاط و نصفيها
مكعب مرقة دجاج
بصلة مقطعة مكعبات صغيرة
زيت و ملح و فلفل
نسخن الزيت و نحمر البصلاية باللون ده على نار هادية
ننزل بالطماطم و عليها مكعب الماجي
و نهدي النار و نسيبها تتسبك
و لما تتسبك نحط الملح و الفلفل
و ده شكل المكرونة
ايه رايكو
نيجي بقى للطحينة و دي كلكو اساتذه فيها بس انا جربتها مره من غير توم و عجبتنا ف بطلط احطلها توم
طحينة و نفكها بميا مغلية مش كتير و حبة خل و نقلب بشوكة لحد ما تفك و تبيض كده
و نحط ملح و كمون و كده بقت جاهزة
و حمرت بقى بطاطس و حطيت عليها توابل تحفة اسمها سبرينكل من كارفور
و ده شكل النهائي للغدا
يارب يكون الغدا عجبكو و اتمنى تجربوه و كالعاده وصيتي هي الاتي :
التقيم التقيم التقييم هههههههههههههههههه
احبكم ف الله
انتظروني قريبا في عزومتي النونو لماما حمام محشى و جلاش باللحمة المفرومة
مع السلامة …..
مواضيع هذا القسم برعاية
fatma mido fatma mido 687631_3.gif فتكات متميزة Fatakat 687631 alexandria – egypt