نبدأ بسم الله
صوره للتشويق والإثاره
نبدأ بسم الله
هانحتاج 2كوب دقيق عااااادي بتاع كل الاستخدامات ومعاهم كوب واحد دقيق رقم 1 بتاع الحلويات ليه عشان يكون خليط منهم معقول دقيق الحلويات بيكون ابيض قوي وله عرق يعني بيشد معاكي اما الدقيق بتاع كل الاستخدامات مالوش عرق مفرول نمزجهم بالنسبه دي هايكون وسط ويدي نتيجه كويسه وهانضيف لهم معلقه خميره فوريه ومعلقه سكر ورشه ملح ونقلب الكلام ده مع بعض ع الناشف بعدين اضيف معلقه سمنه كبيره وعلبه قشطه اللي هي 170 جرام واكمل عجن بميه دافيه لما تبقي عجينه طريه مش جامده وعلي رشه دقيق اقسمها كور وشوفوا الصور
شايفين الطاسه او الجرله او الصااجه دي هههه دي تيفال مسطحه ولها يد زي اي طاسه تيفال بس الفرق انها سميكه شويه فبتحتفظ بالحراره اكتر وسهل استخدامها المهم هانفرد العيش بالنشاابه ع رشه دقيق وانا بقي كنت بفرده شويه وارفعه علي ايدي زي الفطاطري ههههه عشان اشد الحروف وتبقي رقيقه واسخن الطاسه وابدء اسويه ع نار متوسطه اول مايتشمع اول وجه اقلب وامسك منديل ادوس بيه ع الفقاعات الهوا اللي بتظهر عشان مايقبش زي الخبز ويفضل افرد خمسه سته واروح اسويهم عشان ماتلخمش واكون بفرد واسوي في نفس الوقت
وافضل اقلب فيه ع الناحيتين عشان مايتلسعش مني ع فكره ما بايخدش وقت لحد مااحس انه استوي واللي اسويه عشان ماينشفش لاازم اغطيه بفوطه
انا كنت بحطه ع شبكه الفرن وهو مطفي مش شغال واقفل الباب عليه عشان ماينشفش لحد ماخلص هايكون اتهوي وبرد ولسه طري هنا بقي اسيب اللي هاستخدمه بره في كيس طالما برد والباقي الفه كويس في كيس تاني وع الفريزر دغري واطلع منه لما احتاج عشر دقايق بس بيفك مش بيطول
اول مايفك بيرجع طاازه واخر لذاذه واعملي احلي سانويتشاات في اي وقت
بطاطس مقليه بصلصه طحينه او بطاطس بالميايونيز وممكن تعملي الساندويش كامل او تقسميه نصين حسب حجم العيش وحسب رغبه اللي هاياكله بالف هنا
ملحوظه العجينه علي ماتقطعي وتفردي وتسوي بتكون ارتاحت كويس قوي ووممكن لو مش مستعجله بعد ماتكوريها غطيها ربع سااعها تخمر ها ايه رأيكم؟طري وخفيف وسهل ويقعد عندك في الفريزر الي ماشاء الله ويفك ازمااااات هههه وفوق كل ده طعمه تحفه يتااكل لوحده
وده بالكفته وبطاطس مقليه وسلطه طحينه واااااااو كان روووعه قطمت منه قطمه واحده ومن جماله مارضيتش اكمله الا لما اصوره لحبايبي
واخيرا بعض التلميحاااااااااات
اولا موضوع الدقيق لو مش عندك النوعين استخدمي عاادي نوع واحد اللي هو الدقيق العادي لكل الاستخدامات
ثانيا لو مش عندك قشطه معلبات هاتي علبه زبادي وقلبي عليها معلقه كبيره لبن بودره كويس وبعدين ضيفيها للدقيق
ثالثا الحجه طااااااسه دي مش اختراااع لو مش عندك استخدمي اي طاااسه تيفال عندك تكون واسعه و تقيله يعني قاعدتها سميكه عشان تسوي العيش كويس وما تلسعوش
رابعا بحبكم قوي في الله وربنا شاهد واسالكم الدعااء لي بظاهر الغيب ان ربنا يشفيني ويهديلي زوجي ويحفظلي نعمته ويدخلني الجنه برحمته وفضله لي ولكم اللهم آمين يا رب العالمين
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله