السلام عليكم ورحمة الله وبركاته
ازيكم حبايب قلبى يارب تكونوا كلكم بألف خير
اليوم هقدم بمشيئة الله تعالى طريقة الكبده الجملى جميله اوووى ومش بتاخد وقت خالص
بصى يا قمرايه منك ليها ليها
تجيبى الكبده وتقطعيها ترنشات رفيعه وصغيره وبعدين تتبليها فى(توم مفروم-فلفل اخضر مفروم ممكن حار بيخليها جنان لكن انا علشان اولادى بعملها بفلفل رومى-وملعقة خل-وعصير نصف ليمونه-وكمون وفلفل اسود)وتسبيها حوالى ساعه
وده كان شكلها فى التتبيله هتسخنى ملعقتين زيت وتنزلى بيها
وتقلبى تقلبتين لما الصوص بتاعها يقل شويه تضيفى الملح وتطفى النار وتقدميها بالف هنا زى كده
شايفين طعمه وجميله سهله ومش بتاخد وقت
———
ملحوظه:متأخريهاش على البوتوجاز علشان متنشفش منك
لو عجبتكم شرفونى بردودكم الجميله اللى بتسعدنى
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده