حبايب قلبى الى فتوكات وحشتوونى جدا معلش غبت عنكم كتير ده لانى بفضل الله حامل والحمل تاعبنى شويه دعواتكم
ندخل على العزووووووووومه
منيو عزومتى
سلطات
بتنجان بالفلفل والتوم واللمون
سلطه حمص
مسقعه باللحمه
زيتون
الرئيسى
فراخ مشويه فى الفرن وبعدها على الفحم
لحمه صوانى بالبصل
اما الاطباق
رقاق باللحمه وقلقاس مطلوب منى بالاسم
ومكرونه اسباجيتى باللحم المفروم وبطاطس محمره
التفاااااصيل
اول حاجه تبلت الفراخ
صلصه طماطم ولمونه وزبادى وملح وفلفل وزعتر وزنجبيل وميه بصل
وده كان قبلها بيوم وبحطها فى التلاجه اول لما صحيت حطيتها على الحامل فى الفرن
الحامل ده ب 3.5جنيه وده خاص للفراخ
وبتحطى فى الصينيه اللى تحتيه ميه
وممكن بطاطس انا حطيت بطاطس
علشان استفيد من صوص افراخ اللى يجننننننننننن
دى لما طلعت من الفرن سيبتها تبرد عشان احطها على الشوايه بتاعت الفحم لتقليل المجهود
وبعد كده ملت اللحمه
وهى لحمه ترانشات متوسطه اول اكبر شويه من البفتيك
وتقطعى عليها ترانشات بصل وطماطم وفلفل وورق لورى وحبهان وبهارات لحمه وملح وفلفل
وشويه ميه ومعلقه زبده وعلى النار من فوق اول ما تشرب ميتها دخليها الفرن تكمل سوى
وفى الاثناء دى عملت المسقعه
بتنجان مقلى وترصي نصه فى صينيه
وفى النص لحمه متعصجه مفرومه
وتحطى النص التانى من البتنجان
وبعدها تحطى الصلصه عباره عن فصين توم متقطعين ومتحمرين فى شويه زيت وعليهم فلفل وطماطم ترانشات وملح وفلفل اسود لحد لما يتسبكو
وترشيهم على الصينيه وتحطيها فى الفرن 10 دقايق مش اكتر
قبلها بيوم كنت مجهزه سلطه الحمص وحطيتها فى علب بلاستيك فى الفريزر تكون جاهزه على الغرف
وده اللينك بتاع السلطه
♥♥♥سلطات SOSO MIDOمن عزومه العيد متنوعه وشهيه وجميله لاحلى البنات ♥♥
وسلطه البتنجان بالفلفل والتوم واللمون حقيقى عششششششششقى تجننننن
بتنجان مقلى وترصيه فى الاطباق وتدقى توم وفلفل وتعصرى لمون وتكونى حاطه ملح ومعلقتين ميه وترشيه على البتنجان وكلى الى مقبلات
ودى صوره جماعيه للسلطات
القلقاس
كنت مخزناه وطريقه التخزين والطهى اهى
ღஓღتعالو نخزن قلقاس بمحتوياته وطماطم جاهزه فى اي وقت من SOSO MIDO بالتفصيلღஓღ
المكرونه الاسباجتى باللحمه المعصجه
مكرونه عاديه جدا بالصلصله
وتكونى مجهزه العصاج
وتدهنى الصوانى وتحطى المكرونه وتحطى بينها طبقه عصاج وتمسحيها بالزيت من فوق
وتدخليها الفرن طعمها يجن وكمان خفيفه جدا
نشوف الاطباق اللى جهزت
ده اللحمه
دى الفراخ المتوحشه هههههههههه
شويتها على الفحم وقطعتلها ترانشات بصل وطماطم وغمستهم بشويه صوص وحطيتهم على الشبكه وبنت عمى ريرو وياسمين اختى اتبرعو بالشوى ربنا يسهلهم حالهم ونخلص منهم قريب ويتجوزو اميييييييين هههه
السفررررررررررررررررره
ما شاء الله لا قوه الا بالله
وتمت بحمد الله وده الحلو للحلوين اللى قيمو
كنافه ملكيه موجوده فى مواضيعى بالتفصيل
ومش تنسو الموضوع المهم ده
هو مغلق بس مفيش مشكله دعواتكم بظاهر الغيب ده هديه ليكم
♥♫SOSO MIDOوازاى نعمل احلى عزومه وترتيباتها مع منيو لعزومات مختلفه وحلويات حصريا
ومتنسوش دعواتكم ليه ربنا يكملى حملى على خير ويرزقنى بطفل سليم معافى
وانتظرونى وتحضيرات احلى مصيف لاحلى فتوكات مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره