اهلا يافتوكات ياقمرات عاملين ايه فى الحر الفظيع ده ربنا يقدرنا على صيام الشهر ويجعلة خير وبركة علينا
من غير رغى ياحلوين انا عملت عرق روستو ورز بالكلاوى وجيت عشان اقولكم يمكن حد يستفاد من موضوعى واسمع دعوة حلوة
يلا نبدا على بركة الله
ده العرق
وهنا نظفتة من الشغت اللى كان عليه وعملت فيه فتحات عشان ادخل فيها الثوم والملح والفلفل
وده الثوم طبعا
شايفين عملت الفتحات فى كل اجزاء العرق ودخلت فى كل فتحة فص ثوم وشوية ملح وفلفل
وهنا ربطتة كويس بالخيط
وفى صينية حطيت معلقتين سمن وبدات اشوح العرق من جميع الجوانب بس معلش العرق كان اكبر شوية من الصينية
شوفى متشوح من كل حتة وبعدين بقلتة فى الحلة الضغط ومعاه شوية مية وسبتة يستوى وبعد ماخرجتة رجعتة الصينية تانى لفتين كده
وادى شكلة بعد ماقطعتة هو بيكون عامل زى القرطاس ….كان طعمة هايل وطبعا ولادى ازازوة ولا اللب
دى بقى الكلاوى اللى هنعمل بيها الرز…قطعتها قطع صغيرة
اخدت جزء منها وشوحت فيه الكلاوى وسبيها تستوى بعد ماملحتها
حمرتة فى شوية زيت لحد مابقى لونة دهبى
وعملت الرز بالبصل الباقى ودة الطبق بعد ماخلص
ده عين الجمل المجروش
وده قلب فينو عشان نعمل بيهم الشركسية
هنحطهم فى شوية شوربة فراخ لحد ماتلفولو عايزة ممكن تقطعى شرايح فراخ معاها
ممكن بقى تحطيها على الرز او تشربيها زى الشوربة وبالهنا
انا كده خلصت يارب اكون افدت وحد يستفاد موموضوعى
وعايزة اشوف التقيمات نازلة ترف
مواضيع هذا القسم برعاية
تونة555 تونة555 295489_32.gif Fatakat 295489 الجيزة – مصر