السلام عليكم فتوكاتي الحلوين
انا شفت كتير في المنتدي بيتمنوا الحمل وعدد كبير مش صغير وممكن اكون واحده منهم
بس اللي انا شفتة فيهم مشكلة اكبرررر بكتير من مجرد أمنية دي هواجس وحكايات ولو ضهرها او بطنها وجعتها شوية لازم تجري ع المنتدي تكتب موضوع عشان حد يدخل يبشرها ويقولها ده حمل مش عيب اننا نسأل ونستفيد من بعض بس المشكلة الوهم الوهم اكبر عدووو للحمل لو عايزة تحملي اتبعي الخطوات دي وصدقني مش هتندمي ان شاء الله خطوات مضمونة ومتجربة
::الأخذ بالأسباب يعني اعملي اللي عليك وسيبي الباقي ع ربنا اتبعي فترات تبويضك ونظميها اهتمي بنظافتك الشخصية في المناطق اللي عارفينها جدا لان ساعات الالتهابات بتمنع الحمل
::متستخدميش اي دوووا دون استشارة الطبيب
::الاستغفار كثرة الاستغفار والدعاء وقراءة القرآن والذكر يفرج الكروب بامر الله
::أقري سورة يس كتير يس لما قرأت له
::صلاة الحاجة ع طووول وادعي ربنا باللي انت عاوزة
:: ابص ايدك النفسية اكبر عدووو للحمل لو نفستيك ذفت وع طول متوترة وشاغلة دماغك انا حامل مش حامل وتخشي تكتبي ف المنتدي وتعدي الايام ع الدورة ده مش هيخليكي تحملي ده هيأثر ع الحمل والنعمة
لان في هرمونات بتتفرز نتيجة التوتر بتمنع التصاق البويضة ببطانة الرحم وكله بامر الله
:: خلي عندك ثقة وايمان بالله انت عارفة ومتاكده ان كل حاجة بميعاد ووقت ربنا اللي محددها مش احنا يبقي اقعد اشغل دماغي واوجع قلبي لية كده كده مش هتم غير بالوقت اللي ربنا كتبة لو اتشقلبتي
::ع فكررة الاحصائيات بتقول أن 15_20% بيحملوا بعد شهر
60%بعد 6 شهور
90% بعد سنة ونص
يعني بعد سنة ونص تبدأي تقلقي ده انا قريت ان الحمل بعد 8 شهور هو افضل وقت يحصل فية حمل عند معظم السيدات يعني انت شاغلة دماغك لية اتمتعي شوية يا شيخة بعد كده هتتلبخي ف العيال والهم
صدقني خليك متفائلة ومبتسمة ومتنسيش
تفائلوا خيرا تجدوة كما قال الرسول صلي الله عليه وسلم
وف النهاية بقي
متنسيش قبل ما تخرجي تدعيلي بالذرية الصالحة والملائكة هترد عليك ولك بالمثل
أسال الله العظيم رب العرش العظيم الحنان الكريم المنان أن يرزق كل من تدخل موضوعي حمل سليم معافي
شهر زاد عصرية شهر زاد عصرية 534314_1.gif فتكات ست الكل Fatakat 534314 المنصورة – مصر
سبحان الله و بحمده