السلام عليكم يافتوكات…..
كلنا اوقات كتير بنمل من الطرق التقليدية في اكلاتنا و انا لقيت فتوكات كتير بيسألوا عن طرق مختلفة لرز السمك فحبيت اقولكم نكهاتي فيه انا بعمله بنكهتين لذااااذ اوي
الطريقة نفسها اكيد وااااحدة اني بغمق البصل بس مش احرقه يعني عشان ميمررش الطعم يغمق بس ووبعدين اضيف الماية وبعد ماتغلي اضيف الرز
فين بقي النكهات؟؟؟؟
اول نكهة…
ملح وقرفة وكم فص حبهان(نفتحه قبل مانسقطه في الماية) وكم فص قرنفل وجزررر مبشوووور
شوفوا جمااال الجزر مع لون الارز بيدي شكل رائع وقيمة غذائية عالية
هنحط البصل يغمق عااادي وقبل ماياخد اللون الي احنا عاوزينه بحاجة بسيطة نحط الجزر المبشور ياخد تقليبة معاه وبعدين نضيف الماية وعليها شوية قرفة بودرة وكم فص حبهان وكم فص قرنفل وبعدين نحط الرز ونسيبه ياخد غلوة وبعدين نوطي الناااار لحد مايستوي
وقبل الغرف نشيل الحبهان والقرنفل….
مقلكوش بقي عالطعم والريحة رهييييبة
النكهة التانية:
هنضيف ملح وكمون وفص ثوم مهروس مع قرن فلفل حامي(لو بنحب الاكل حار) وفصين تلاتة توم سليم
الثوم السليم بيتاكل مع الرز وبيبقي راااائع
وياريت كل واحدة كمان عندها نكهات مختلفة لرز السمك تقولنا عليه ونستفيد كلنا
واتفضلوا الطبق الشهي دي الي متتغدتش لسة يالا تمد ايدها ههههههههههههه
والسمك دة سمك سلمون…بتتبله عادي بملح وكمون وليمون وبهارت سمك لو عندي واسيبه اطول فترة او اغلفه كويس واشيله في الفريزر ودة مش بيتقلي…احنا بنجيب مقلاة تيفال ندهنها مسحة بسيطة زبدة ونحط قطعة السلمون من غير دقيق ولا اي حاجة تاخد لون ذهبي من الجهتين ومش بتاخد وقت خاالص عالنار وممكن نعصر عليه ليمون وقت الاكل بيبقي رااائع
أطعمكم الله من ثمار الجنة
مواضيع هذا القسم برعاية
ام عمر12 ام عمر12 images/flowersavatars/avatar0025.jpg فتكات ست الكل Fatakat 168268 عيون اولادي – قلب زوجي