السلام عليكم ورحمة الله وبركاته
انا متزوجه بقالى سنه وزوجى بيسافر ومقعدش معايا غير شهرين محصلش حمل قبل الزواج كانت الدورة بتتاخر بالشهور مع ان ف الاول كانت منتظمه عرفت مع المتابعة ان عندى تكيس بسيط لان بيطلعلى شعر ف دقنى وكمان شعرى خفيف من قدام وكمان وزنى زايد روحت لدكتورة تابعت معاها اربع شهور وجوزى كان مسافر وقتها لان الدورة ماجاتش بعد الزواج الا بالادوية كتبتلى سيكلوبريجينوفا برشام منع الحمل لتنظيم الدورة وجلوكوفاج وفيتامين وبرشام كده لهرمون اللبن عشان كان عالى بس حاجه بسيطه والاقراص لونها اخضر وبرشام تانى للهرمونات مش فاكرة اسمه بس هو قرصين ف علبه ازاز وهو ب 65 جنيه بعد الاربع شهور بطلت اخد برشام منع الحمل املا فى ان الدورة تنتظم مانتظمتش روحت للدكتورة قالتلى انتى عندك تكيس يا اما نعالج بالمنشطات يا اما عملية كى المبيض واديتلى 6 حقن فوستيمون من تانى يوم للدورة كل يوم حقنتين بعد ما نزلت الدورة بحبوب ستيرونات لمدة خمس ايم كل يوم 6 اقراص وجوزى جاء من السفر ومشى ومحصلش حمل بس الدورة انتظمت التلات شهور اللى فاتو بتيجى كل شهر بالظبط ومن شهرين روحت لدكتورة تانيه قالتلى اعملى تحاليل fsh ,lh ,testosterone tsh وعملتهم وطلعو كالتالى
fsh ….. 5,06 mlu/ml
lh ….. 5,0 mlu/ml
testosterone ….0,27 ng/ml
tsh …. 0,6 ulU/ml
وقالتلى تحاليلك تعتبر سليمه بس فيه تكيس بسيط لما جوزك ييجى نديكى منشط بسيط
الشهر ده بقى الدورة اتاخرى المفروض كانت نزلت من يومين انا حاسة بالمغص واعراضها بس اتاخرت
فانا عايزة اسال هى انتظمت بفعل حقن الفوستيمون وهى هتتلخبط تانى وهدور ف نفس الدوامة وافضل انزلها بالادوية لحد ما جوزى ييجى واخد المنشط وهل التحاليل دى تعتبر مظبوطه بفعل حقن الفوستيمون اما الطبيعى بتاعى غير كده والشعر الزايد ده هيبقى كده ع طول وكمان الشعر ف مقدمة راسى خف اوى بقى زى الصلع
يا ريت لو دكتورة نسا ترد عليا انا نفسيتى زفت وخاصة ان عندى 33 سنة وخايفه كبر السن ده يخلينى مخلفش
وكنت سمعت عن القسط الهندى هو صحيح مفيد وبيعالج التكيس
واسفه ع الاطاله
وادعولى ربنا يرزقنى بالذرية الصالحة
رابانــزل رابانــزل 883534_4.gif فتكات نشيطة Fatakat 883534 …….. – مصر