بسم الله والصلاة والسلام على رسول
الله عليه افضل الصلاة والسلام
ازيكوا يا فتوكات يا حلوين يا رب كلنا دايما بالف خير احب اعرفكم بنفسى قبل اى شئ انا الامل فى بكرة اسم جميل بصراحة اخترته عشان يدينى الامل ويديكوا الامل اننا نتغير للاحسن موش بس فى الوزن الزائد فى حياتنا عامة لاننا فى اوقات بنحس اننا فاقدين الامل للتغير بعد احباطات كتيرة قابلناها فى حياتنا بسبب وزننا الزائد لاسف فى زمنا هذا موش بتخدى حقك فى انك تتمتعى بالحياة زى اى انثى
وطبعا موش هقولك على الاحباطات الكتيرة اللى قابلتيها فى حياتك بسبب وزنك الزائدمنها انتقاضات الناس حواليكى على شكلك باستهزائهم او تكفى نظراتهم لاحباطك من شغل متوفقتيش فيه عشان وزنك من ارتباط بزوج المستقبل اللى انتى رسماه فى خيالك وطبعا الاهم من ده كله صحتك اللى كتير منا بيشتكى منها عشان بيحب الاكل ووزنه زائد عشان ادمنا حاجة فعلا بتضرنا انا من الشخصيات اللى قاست كتير فى حياتها بسبب السمنةقررت باذن الله بعد التفكير فى سن التلاتين انى خلاص بقى زهقت وطبعا انتوا كمان
بعد ما حصل الاكتئاب وقولت ان مفيش حاجة هتنفع من مرواح لدكاترة تخسيس الى علاجات لسد الشهية الخ الا لما انا اغير نظامى فى الحياة وانوى فعلا بنية صادقة لله يقف جنبى وجنبنا يا رب امين وقررت انى اعمل الجروب ده لان صدقينى لما تخسى مع ناس زيك هتتشجعى اكتر انا موش هقيدك بنظام رجيم معين تهتمشى عليه لا موش هو ده الهدف الهدف اننا نغير عادتنا فى الاكل عشان منرجعش ناكل بعد ما نخس كمية الاكل اللى كنتى بتكليها وتحصل الانتكاسة ونتخن اكتر من الاول هتكلى اللى عندك فى بيتك بس بكميات صغيرة هتقللى الكميات مع انى هقولك على ارشادات وممنوعات ومسموحات لازم تلتزمى بيها عشان فعلا وزنك ينزل ومتستعجليش انك تنزلى علطول عشان انتى عارفة اضراره خلينا فى الطبيعى الصحى البطئ عشان منرجعش نتخن تانى وطبعا تشجيعنا لبعض اهم شئ وده هيحصل ازاى بتواجدنا كل يوم فى وقت معين احنا هنحدده وكل واحدة هتكتب اليوميات بتاعتها ونفيد بعض ويا جماعة اللى عندها اى معلومة فى التخسيس او انظمة رجيم عارفاها للى تحب تمشى على رجيم موش فرض يعنى او اكلات وده مهم اكلات صحية قليلة السعرات الحرارية عشان منزهقش تغيير الاكل مفيد لينا تقولينا علطول وتنزل موضوعها عشان الكل يستفيدمعلشى بقى طولت عليكوا
الارشادات– 1- لازم تلتزمى بكتابة اليوميات بتاعتك فى الاكل كل يوم بضمير حتى لو عكيتى متخفيش موش حتتحزفى من الجروب ده عشان نشجعك اكتر ونوجهك للصح
2- الرياضة يا فتوكات لازم يوميا ولو موش فى استطاعتك جيم يبقى امشى كل يوم ساعة
3- تناول من 6 الى 8 كوب ماء يوميا وانتوا عارفين طبعا الفايدة بجانب انها هتحسسك بالشبع
4- تناول قبل الوجبة بربع ساعة ماء وخص وخيارتين
ده المعدة هتتملى 50 فى المائة وهتكلى وجبتك وبكده يبقى شبعتى
5- الميزان هنقيس الوزن كل اسبوعين يا فتوكات موش كل اسبوع ليه عشان فى شخص بيختلف عن الاخر فى النزول ممكن واحدة تنزل جدا والتانية بسيط فعشان الاحباط هنوزن كل اسبوعين من بدا النظام
6- يوم الفرى يعنى المفتوح بتاعك هيبقى كل اسبوع يوم الجمعة وخدى بالك موش معنى انه مفتوح يعنى انك تاكلى التلاجة كلها احنا عاوزين نغير عادات مدى الحياة يعنى مثلا ممكن تاكلى حاجة بتحبيها بتتخن بس موش بكمية كبيرة وموش كل اسبوع عشان متجيش انتى خسيتى حلو فى الاسبوع وبعدين تضيعيه فى يوم المفتوح وعشان المعدة تاخد على تقليل الاكل وبكده تنكمش وتاخد على كده باقى حياتك
7- وزى ما قولت قبل كده اللى تقدر تفيدنا من انظمة واكلات صحية فيها سعرات اقل متتاخرش عننا عشان الكل يستفيد
تانى شئ وهى الممنوعات اللى انتى لازم تبعدى عنها
1- السكر- استبدلى السكر بسكر الرجيم او دايت سويت اقراص انا بستعملها ولو موش هتجيبى يبقى ليكى بس معلقة واحدة سكر فى اليوم
2- الاكل والنوم خطا خلى وجبة العشاء خفيفة عشان نسبة الحرق بتبقى ضعيفة جدا فى الليل
3- ممنوع الاكل امام التلفاز
4- البطاطا والبطاطس المحمرة والمقليات عامة ممكن فى اليوم الفرى بتاعك بس موش كل اسبوع
5– ممنوع العصائر خارج البيت جوا البيت وطبعا من غير سكر وليكى فى اليوم شرب كوب عصير بيتى بس واحد بس بجانب ثمرة فاكهة واحدة فى اليوم
6- ممنوع انك تكلى ازيد من نص رغيف بلدى فى اليوم كله
7- طبعا اساسى ممنوع الزيت والسمنة بتاتا فى الطبخ بتاعنا بس هسمح بانك تعملى الاكل عادى بشوربة الفراخ بشرط زوديها ماء على قد ما تقدرى عشان تخف الدهون اللى فيها وحلى طبعا بالبهارات فيها عشان الطعم الحلو
8- ممنوع الحلويات -المكسرات-الجاتوهات-المسليات-المخلللات عشان بتفتح النفس جامد
المسموحات–
1- مسموح بتناول الشاى والنسكافيه والمشروبات الساخنة بدون سكر او بسكر دايت وخدى بالك حتى لو السكر دايت برضو بكمية معينة فى اليوم وهى 3 ملاعق
2لو مدمنة البيبسى قوى ممكن بيبسى دايت واحدة بس كل اسبوعين
3 الاكل بين الوجبات عادى خص خيار كرفس جرجير وواحدة بس جزر او طماطم
4 تناولى الفاكهة اللى مسموح بيها جميها واحدة فى اليوم ما عدا الممنوع طبعا وهم المانجو والعنب والبلك والتين ممكن كمية صغيرة منهم بس كل شهرين مرة عشان نخس
ونقضى بقى على مرض السمنة
دى الالتزامات اللى المشتركات هتلتزم بيها يلا مستنية تفاعلاتكم معايا وردودكوايا احلى الفتوكات اللى عندها عزيمة بس اتوجهى بنية صادقة لربنا انه يقف جنبنا عشان نتغير لاحسن ونمشى على سنة نبيه عليه افضل الصلاة والسلام الا وهى تلت للطعام وتلت للشراب وتلت للنفس يلا مستنياكوا يا فتوكات
امل فى بكرة امل فى بكرة 364785_1.gif فتكات حبوبة Fatakat 364785 القاهرة – مصر حبيبتى