حبيت أحكى قصتى مع مرض البوليميا مش عارفه تعرفوه ولا لأ
حبيت أحكيه علشان أقولك أولا احمدى ربنا على حالك مهما يكون كنتى 100 كيلوا أو 140 اوعى تكرهى نفسك
او تتمنى انك تخسى وخلاص مهما كانت العواقب
اختارى دايت صحى ان شا الله تخسى فى سنه ولا اتنين بالراحه وماتستعجليش وحبى نفسك
شجاعه كبيره منى انى أحكى قصة مرضى اللى فضلت سر لأكتر من 8 سنين
كنت 100 كيلوا عايزه أخس جربت كل حاجه حبوب وأعشاب
دايت صحى نتايجه غير مرضيه بالنسبالى وبعدها كيميائى وكنت حاسه بمجاعه
مزاجى متقلب نفسيتى مش كويسه ضغط من زوجى عايزك تخسى وخسى نكد عموما وبرضع كمان وضغط نفسى رهيب بعد الدايت الكيميائى بقيت بحب احساس المعده الفارغه
يعنى مابحبش احس بأمتلاء خالص مع الضغط اللى حوليا بقت بتجيلى ساعه او اتنين فى اليوم
ماكنتش بقدر أوقف فيهم الاكل
بفتح التلاجه وأفضل أكل بدون مضع او احساس بطعم الاكل
ببلع بس أكل بمنتهى الشراهه بفش غلى
وبعد ما الساعتين يخلصوا يبدأ مرحلة التوتر أفضل واقفه قدام المرايه أبص لنفسى وأكره نفسى وأفضل الف حولين نفسى قدام المرايه ابص لشكل بطنى ومنظرى
ومابقاش طابقه نفسى وتبدأ مرحلة الاكتئاب وتأنيب الضمير
مش قادره أوصف ببقى عامله ازاى اكل فى ضوافرى وصربات قلبى بتتسارع وبفضل ابص يمين وشمال وساعات بنفجر فى العياط بعيط بهيستيريا
والمشكله ان أثناء نوبة الشره ماببقاش قادره اوقف الاكل ولا كأن اى حاجه س احساس رهيب بالمتعه وبعدها تتعاد الكره
بقيت بفكر ازاى اتخلص من الاكل ده بعد ما أكلته الاول كنت بستخدم ملينات وبعدين بقيت بعمل مجهود بدنى عالى جدا
لحد ما كل الاكل ده ينتهى واحس برضى مؤقت عن نفسى
وبعد فتره بقت بعد ما النوبه تيجى وأتخلص من الاكل ابتدت تجيلى نوبه تانيه وبعد فتره بقت تجيلى نوبه تالته كنت ممكن أكل تورتايه كامله بالشكولاته لوحدى وعاها شيبسى وبيبسى
فبقيت بدور على طريقه تانيه اتخلص بيها من الاكل
فبقيت برجع الكل يعنى أكل واملى معدتى فى اليوم 7 مرات او أكتر وبعدين أرجع كل ده وأحس براحه مؤقته
ووزنى ابتدى ينزل وينزل وينزل وبقيت نحيفه جدااا لدرجة ان عضمى بان
بقيت 48 كيلوا
وزى ما انا تخيلى مفيش أوحش من انك تضطرى انك تكلى معدتك اكتر من مره فى اليوم ومجبره على انك تفضيها برده بانا تعبت مره فى مره مابقيتش اقدر اوقف اكل ولا اوقف ترجيعه تانى وانى أخص منه
وديما بشوف نفسى تخينه أتخن واحده فى العالم ديما نظرتى لنفسى نظره دونيه وانى أقل من البشر نوبات الاكتئاب والعصبيه أكترر من نوبات الشره حياتى حلقه مفرغه بعدت عن الناس وكان كتير زوجى بيسأل مالك وبعد ماكن بيقولى خسى بقى بيقولى بطلى الدايت بقى
انا حققتله اللى هو عايزه
وبقيت عصيبه وكئيبه ووشى شحب واسمر
ببساطه انا كده
هى دى نظرتى لنفسى
وهى دى حياتى
حاولت كتييييييييير أوقف ماعرفتش ديما بعيط أسعد لحظات حياتى وانا باكل
وبقيت حياتى كلها بفكر أكل ايه وازاى اتخلص من اللى كلته بعدت
وبعد 7 سنين من العذب المرير جالى نحافه شديده وانخفاض فى مستويات البوتاسيوم والكبريت غير سائل المعده اللى بيخرج من معدتى عملى مشاكل فى الجهاز الهضمى
والاكتئاب وصلنى لفكرة الانتحار أكتر من مره
وبعدها بقى عندنا انتر نت فدخل ادور على حد يمكن زى لقيت كتيييييييييييييييييييييييييييييير جدا جدا وفى منهم مشاهير وملكات جمال ورياضيات بس اعترفوا وطلبوا المساعده وعرفت انى
مريضه بالبوليميا نارفوزا
وقولت لزوجى وقالى انا السبب ؟؟ قولتله لأ انا السبب
وقرر يساعدنى وروحت لدكتور نفسى وباخد دلوقتى مضادات اكتئاب والحمد لله حالتى أحسن كتيييير بس بسيب العاده دى وبرجعلها ساعات
انا مش عايزاكم تكتبوا كلام يضايقنى لأنى مريضه القلق والاكتئاب وبس غرضى انصحكم مفيش داعى تقولوا كلام يضايق لان ده هيتعبنى أكتر
فوت أهلك واستهتر بالموت فوت أهلك واستهتر بالموت فتكات جديدة Fatakat 1205732 مدغشكر – نيروبى