أخواتي الحبيبات
معلومة سهلة علي الماشي هتفيدكم في عيد الأضحي
وخاصة للمبتدئات في فن الطهي
ادهني الصينية بالسمن من كل الجوانب جيدا
رشي شوية بقسماط ناعم في قاع الصينية وعلي الجوانب ومتخليش أي حتة فاضية
وبعدين اعملي صينية الرقاق عادي زي ما بتعمليها
وبعد السوا
سيبيها تهدأ قليلا
وطلعيها كاملة علي طبق مدور كبير وقدميها كما هي وقطعيها وهي في الطبق أمام ضيوفك أو أهلك
وعلي فكرة مش هتلاقي في الصينية ولا فتفوتة لازقة .
وعلي فكرة كنت باعملها بورق الزبدة لكن حصل موقف كوميدي جعلني أغير الطريقة
في العيد اللي فات أخرجت الصينية وفي أسفل منها ورق الزبدة وقدمتها علي السفرة أمام الضيوف كاملة
وطبعا مفروض أنني عند التقديم كنت سأقوم بالتقطيع وأبعد ورق الزبدة
لكن هم سبقوني علي الطعام وأكلوا من غيري للأسف
ثم بحثت عن ورق الزبدة علي السفرة فلم أجده
أتاريهم أكلوا الرقاق بالورق
وحينما قلت لهم فين الورق
قالولي ….واحنا عمالييييييييييييييييييين نقوووووووووووول …. هو الرقاق فيه حاجة بس احنا مش عارفين ايه هي
طبعا الكل ضحك لما عرف أنهم أكلوا الرقاق بالورق
ومن يومها بقيت أحط بقسماط ناعم
فهو أهون من ورق الزبدة علي بطن الضيوف
وبالهنا والشفا مواضيع هذا القسم برعاية
بنات فتكات بنات فتكات images/avatars/whiteflower.jpg فتكات متميزة Fatakat 175342 القاهرة – مصر