السلام عليكم ورحمه الله وبركاته
بنات انا حامل في الاسبوع السابع تالت يوم ليا النهارده
رحت للدكتوره من اسبوع كنت في اول السادس فلقيت النبض مظهرش كشفت سونار ع البطن ومهبلي ولقيت تجمع دم
حول الكيس وادتني جيوسبرين ومثبت وفوليك أسيد وقالتلي لو نزل دم أوقف الجيوسبرين اخد منه تلات ايام ونزل نقطه دم
فاتحه خالص قمت وقفته ورحتلها امبارح ع حسب ميعادها وبرده كشفت سونار ع البطن ومهبلي مفيش نبض بس التجمع
اختفي وكيس الحمل حجمه كبير اكبر من المره اللي فاتت ومدي انه اكبر من سبع أسابيع مع اني لِسَّه في اول السابع
وقالتلي مدور وتمام ومفهوم اي عيوب
المهم الدكتوره خوفتني وقالتلي الاسبوع الجاي لو النبض مظهرش هتنزل كيس الحمل وقالتلي أوقف المثبت ولو نزل دم خلال الاسبوع
دا يبقي هينزل مين يابنات حصل معاها كدا والنبض ظهر متاخر ومين اللي الكيس طلع عندها فاضي ياريت تقولي هل الحمل كان بيكبر
والا ثابت اصلي مستغربه ازاي فاضي وإزاي بيكبر
انا بقول يمكن يكون جواه تؤام عشان كدا اكبر من حجمه والنبض متاخر لان التؤام بيكون ضعيف شويا والا ايه؟؟؟؟؟
طمنوني بالله عليكم انا طول الليل منهاره
علما ان أعراض الحمل كلها عندي
تائبة إلي ربها تائبة إلي ربها فتكات نشيطة Fatakat 1117347 طنطا – مصر
سبحان الله و بحمده