السلام عليكم ورحمة الله وبركاته
ازيكم يا بنات انا رحت شرم الشيخ ولسه جاية من يومين
طبعا كانو يومين جامدين والحياة هناك
كل الاكل اوبين بوفيه وحاجة تفتح النفس
فلما روحت قلت لازم اطلع المواهب اللي عندي واعيش الدور لما اروح
بصراحة انا بحب الاتيكيت في اكلي وطريقة تقديمي حتى ولو بسيطة
ولو ليا انا وزجي بس……..
عملت شاورمة حلوة قوي والله طعمها يجنن
الطريقة بقى:
اولا تقطعي الفراخ مكعبات
وتتبليها ب فص توم وشوية زيت وفلفل اسمر وملح
وبهارات مشكلة بس كميات صغيرة
ومعلقة صغيرة دبس رمان ومعلقة صغيرة صويا صوص
وشوية خل صغيرين
نشوح البصل المتقطع شرايح في معلقة زيت وزبدة شوية
لحد ما تحسي انه بدأ يستوي بدون ما لونه يغمق
وبعدها تضيفي الفلفل الاخضر
وشوية زعتر بري
بعدها تضيفي الفراخ وتقعدي تقلبي تقلبي
لحد ما يبقى لونها كده وتحسي انها نشفت شوية من ميتها
وبعدين تضيفي الطماطم المتقطعة شرايح
وتقلبي شوية وتسيبيها شوية
لحد ما تحسي انها طااااابت وبقت كده
وعملت جنبها مكرونة مسلوقة بالصلصة وطلعت الطبق الصيني اللي
مبيطلعش غير للضيوف اللي هما اصلا مبيجوش
وقلت عن محد حوش وطلعت الطبق التاني وقليت
بطاطس شيبسي وقدمتهم كده لزوم الدووووور
قلت اكيد مش هاكل لوحدي فسبتلكم الشوية دول
بالهنا والشفا
متنسوش التقييم وادعولي اخف
من اللي عندي(حاجة بسيطة بس مزمنة)
اللهم لك الحمد كما ينبغي لجلال وجهك وعظيم سلطانك مواضيع هذا القسم برعاية
د/فيدو ديدو د/فيدو ديدو images/flowersavatars/avatar0012.jpg فتكات ست الكل Fatakat 262438 في الغربية على المنوفية بس قهراوية – مصر