السلام عليكم و رحمه الله و بركاته
مساء الامتنان و الحمد و الشكر لله مساء السحر المتدفق و الخير القادم من كل اتجاه ان شاء الله
كتاب The Magicاو كتاب السحر هو كتاب جديد للكاتبه روندا بيرن مؤلفه كتاب السر The Secret الكتاب ده عامل طفره في الغرب و معتبرينه اكتشاف عظيم لسر الرخاء و الثروه و كتاب كتير عاملين كتب و محاضرات وكورسات حول نفس فكره الكتاب وهذا السر العظيم موجود عندنا في معظم ايات القران و هو لب كل الديانات السماويه و حتى الوضعيه .
الكاتبه في اول الكتاب بتشير لايه في انجيل ماثيو , بتقول (ايا كان يملك امتنان سوف يحصل على المزيد و سوف يحصل على الوفره و ايا ماكان ليس عنده امتنان سوف يخسر ايا ما كان يملك)
و بتشير للايه الكريمه في القران :
و بتقول ايا كان ديانتك هو ده سر الحياه و نظام الكون .
كلما اعطيت امتنان و حمد و شكر لكل نعمه لديك سوف تحصل على المزيد و سوف تحصل على الوفره و الرخاء و اذا لم تحمد الله و تشكر نعمه سوف تخسر ما لديك ايا كان ما تملك .
و طبقا لقانون الجذب laws of attraction( الشبيه يجذب شبيهه) فكل الطاقه الموجوده في كلامك مشاعرك افكارك سوف تحصل على المزيد يعني مثلا ( انا مبجبش شغلي ) ( الجو مش حلو )( محدش بيقدرني و لا بيحترمني)(انا وحشه)(انا تخينه اوي)(انا على طول معيش فلوس)(انا على طول عايشه في نكد)(انا نحس) كل دي طاقات سلبيه منبعثه منك سواء دي كلام بتقوليه او مشاعر او افكار طبقا لقانون الجذب الكون بيستجيب و كل اللي بتقوليه بيزيد و بيتكرر و كل ما زودتي الشكوى و الكلام السلبي المواقف السلببيه هتزيد .
عكس الكلام ده الحمد و الامتنان على كل صغيره و كبيره في حياتك تحمدي ربنا عليها و ده ينطبق على الاشخاص كل ما شكرتي جوزك على اي حاجه عملها معاكي هتلاقيه زود و اداكي اكتر ده قانون واحد .
يعني مثلا كل يوم نحمد ربنا و نقول (الحمد لله على نعمه صحتي و عافيتي الحمد لله الحمد لله الحمد لله)
الحمد لله على نعمه السرير اللي انا نايمه عليه المريح الحمد لله الحمد لله الحمد لله
الحمد لله قضيت يوم جميل اوي النهارده الحمد لله الحمد لله الحمد لله
الحمد لله انا بحب شغلي كل مشاعر الحمد و الامتنان دي هتديكي طاقه ايجابيه عاليه تجذب ليكي كل حاجه حلوة تحمدي ربنا عليها اكتر
طاقه الامتنان Gratitude هي اقوى مغناطيس للخير و الوفره و الثروة في كل شيء . و اي حاجه عندك نقص فيها كثفي فيها الحمد بشكل متعمد و هتلاقي الدنيا اتغيرت زي السحر بالظبط . كلمه السحر عشان نفتح باب الوفره و الثوره هي : الحمد لله – Thank You
هو اخذ الاشياء بشكل مسلم بيه و انها حاجه بديهيه عندك فنمحسش بنعمه ربنا علينا ده اللي بيوقف السحر و الوفره و الرخاء في حياتنا زي مثلا اننا عادي بنمشي على رجلينا و عادي بناكل و بنشرب و عندنا اكل و شرب و صحه و عندنا بيت و اهل و انو عادي اننا نصحا من النوم مش حاسين ان دي فرصه جديده لينا في الحياة يتمناها كل الناس الي ماتت .
كلنا عندنا نعم لا تعد و لا تحصى لكن مش حاسين بيها ومش مركزين عليها بالعكس مركزين على اللي عند الناس و اللي مش عندنا بس و النتيجه بتكون ان النعم اللي عندك اصلا و انتي مش حاسه بيها بتقل تدريجيا تعدي طول حياتك مركزه مثلا على انك لسه مش متجوزه او مليانه شويه او مش بتشتغلي و تفضلي منكده على نفسك و حاسه بالنقص و تفضلي تشتكي سواء في افكارك او في كلامك و مش حاسه انك عندك صحه كويسه او عيله جميله و متحسيش بالنعم دي غير لما تضيع منك و ممكن ساعتها تدفعي نص عمرك و تخلصي من دور البرد الشديد اللي عندك و تحسي انك مش عايزه حاجه من الدنيا غير انك تنامي من غير ما يبقى ضرسك واجعك او اي حاجه واجعاكي و تحسي ساعتها ان دي كانت نعمه عظيمه عمرك ما حمدتي ربنا عليها و لا حسيتي بيها و اخدتيها كأمر مسلم بيه
بكره نكمل ان شاء الله
merobatota merobatota 488395_8.gif فتكات هايلة Fatakat 488395 الجيزه – مصر حبي و فؤادي