السلام عليكم و رحمة الله و بركاته انا قررت اكتب قصتى و انا لسة خارجة من المستشفى مبققاليش اسبوع ولكنى و فى الامى قررت انى اكتبلكم اللى حصلى علشان الكل يستفيد منها وياااااارب محد يشوف اللى انا شفته ولا يجربه و لا يعيشه يااااااااارب…
فى كتير منكم هنا فى المدونة يعرفنى و فى اكتر ميعرفنيش لكن انا هبتدى حكايتى من اولها خالص
ابتدت الحكاية لما اتجوزت من حوالى سنتين عن قصة حب جميلة و سافرت مع جوزى و جينا هنا السعودية و بعد فترة حوالى سنة و نص بدأ حلم الامومة الجميل يراودنى وبدأت سكة الدكاترة و التحاليل و الفحوصات والادوية و التشخيص فى منه اللى يطلع صح و منه الى غلط ( الله يسامح كل دكتور مش بيراعى ضميره فى التشخيص و بيستسهل ) المهم بعد لف كتييييييير رسينا على ان تحاليل الزوج الحمد لله سليمة و انا اعانى من تكيس على المبيض وبدأت رحلة العلاج المعتادة و هى السيدوفاج و المنشطات والحمد لله و الشكر لله يا رب بعد فترة من المنشطات حصل حلم عمرى انا و جوزى وسمعت احلى خبر فى حياتى مبروك انتى حامل ….. وفى خلال فحوصاتى و متابعة الحمل مع ادكتورة اللى كنت متابعة معاها وجدت الدكتورة كيس كبييييييير على المبيض الشمال ولكنها الله يسامحها قالتلى الكيس ده وظيفى عادى و بيروح مع الولادة و قالتلى ملوش اى تأثير على حاجة….
لحد ما فى يوم من الايام صحيت من النوم الصبح على الم لا يحتمل فى جنبى الشمال الم لو قعدت اوصفه من هنا لبكرة مفيش حد فيكوا ممكن يتخيلوا ومفهمتش و معرفتش ايه ده وانا لوحدى و مش عارفة اتصرف فى بلد غريبة لا اعرف فيها جار ينقذنى او اهل (منها لله الغربة ربنا يخلصنا منها على خير) كلمت زوجى فى الشغل ساب الشغل و جالى جرى وودانى لاقرب مستشفى لينا قسم الطوارىء وانا مفيش على لسانى اى كلمة غير قلهم انى حامل قلهم انى حامل…دخلت و اخدت مسكنات و لكن بلا فائدة لحد ما عملت سونار و عرفنا ايه سبب الالم الرهيب ده….السبب ان الكيس الكبير اللى على المبيض الشمال(اللى اتكون نتيجة المنشطات) الكيس ده ادى الى التفاف المبيض على نفسه مما ادى الى منع الدم عن المبيض و احتباس الدم بداخله ولا قدر الله لو كنا سيبناه اكتر من كده كان حصله غرغرينا …..الدكتور قرر ضرورة اجراء عمليه فى الحااااااااااال طبعا نزل عليا الخبر زى الصاعقة انا حامل فى الشهر التانى وانا صيدلانية و عارفة خطر البنج و العملية على الجنين……بس مكنش فى اى حل تانى غير ده …توكلت على الله و خلت غرفة العمليات وسلمت نفسى لله …. ورحت فى غيبوبة البنج ولما فقت فقت عالخبر اللى يااااااااااااارب مفيش اى واحدة تسمعه فى حياتها فقت على خبر استئصال المبيض الشمال لانه كان متضخم جدا و كان ممكن يعمل مضاعفات…فقت على خبر انى نسبة حملى قلت للنص او يمكن اكتر……….بس الحمد لله و الشكر لله قالولى ان الجنين كويس و فى حالة كويسة…..انا دلوقتى الحمد لله فى البيت ودخلت احكيلكوا و ااولقوا اوعوا تستهونوا بالمنشطات اوعوا تاخدوها من نفسكوا لانها سلاح ذو حدين…… و لو انتى سليمة مية فى المية يبقى اوعى ثم اوعى تاخدى منشطات حتى لو الدكتور قالك كده لان فى دكاترة بتستسهل وحتى مبتقولش على الاعراض الجانبية بامانة
واخر طلب طالباه منكوا ادعولى ان ربنا يكمل حملى ده على خير و اشوف ابنى قصاد عينى سليم معافى من غير زيادة و لا نقصان…..وان ربنا ميحرمنيش من الخلفة انا و جوزى تانى ياااااااااااااااااارب…..
lollypoop83 lollypoop83 175873_7.gif فتكات رائعة Fatakat 175873 جدة – السعودية
سبحان الله و بحمده