السلام عليكم ورحمه الله وبركاته
انا عايزه مساعدتكم ضرورى
انا عندى بنتين الكبيره تلت سنين وتسع شهور
ضعيفه جدااااااااااااااااا والله العظيم رفيعه قوى
لحم على عصايه فعلا زى ما بيقولوا
وزنها 13 كيلو حولين عنيها اسود
وعلو طول بحس انها مش قادره
يعنى لما باجى اسرحلها شعرها تقولى رجلى هتوجعنى يا ماما عايزه اقعد
ولما اجى العب معاها ونجرى تقولى خلاص انا تعبت يا ماما
اكلها زفت جدااااااااااا
ممكن يعدى يوم من غير متاكل غير مثلا بسكوت وشاى او اى حاجه تافهه
مش عارفه اعمل ايه عملت تحاليل كتيييييييير والله ودواء انيميا
والحقن بتاعت الحديد دى بقالها تسع شهور وخداها ومن ساعتها وهى معلمه فى جسمها
وروحت لاتنين دكاتره وقالولى عادي هى بتتغذى على قد جسمها
خلاص هى طبيعيه
بس كل اللى يشوفها يعلق على ضعفها وشعرها خفيف جدااااا
جدتها ربنا يسامحها بتقولها انتى عامله زى اطاطا هتعقد البت
والله بتقولو يا ماما نفسى شعرى يبقى طويل ويروح ويجى كده زيك
ياااااااااااااااارب تساعدونى وتقولولى حاجه تنفعلها
اما بقو بنتى التانى دى بجد اللى قلبى وجعنى عليها
هى عندها سنه
بس من وهى عندها شهرين جالها التهاب شعبى حاد
وكانت بتاخد جلسات استنشاق ودخلت المستشفى وخدتت حقنتين كورتيزون
ودواء شرب لمده عشر ايام فو كورتيزون برده
بجانب الادويه التانيه
المهم الحمد لله والشكر لله انها خفت الدكتور نفسه قالى احمدى ربنا انها طلعت من الدور ده سليمه
وكان بيتصل يطمن عليها والله
المهم هى كل شويه يجيلها الدور ده
والله بقولها انتى لوحد قالك هوف يجيلك برد وبلغم شديد على صدرها
والله لسه عملاها جلستين امبارح وهعملها واحده الساعه 12 الظهر دلوقتى ومرتين فى اليوم
ده غير الادويه التانيه
ولحد دلوقتى لا مشيت ولا سننت
بقعدها بس
يعنى مش بتقوم تقعد لوحدها لا لازم حد يقعدها
انا قلقانه قوى من تاخيرها ده
وكلامه قليل يعنى مش بتلاغى وتلعب زى اللى فى سنها
والدكتور ادلها حقن كالسيوم خدت لحد دلوقتى اربع حقن ومفيش تاثير
بس احنا وقفناهم لحد الدور اللى عنده ده يروح
حد يطمنى عليهم يارب والله قلبى واجعنى عليهم
معلش طولت عليكم بس عشان تعرفوا التفاصيل كلها وتقدروا تفيدونى
وينى ونمور وينى ونمور فتكات متميزة Fatakat 1144441 المحله الكبرى – مصر