السلام عليكم يا فتوكات يا حبايب قلبي
المرة دي أنا عملتلكم سمبوسك بالسبانخ و البصل الأخضر و السماق
مقادير العجينة
نصف كيلو دقيق + كيس خميرة +ربع كوب زيت زيتون+معلقة ونصف سكر +معلقة صغيرة ملح
ماء دافئ
مقادير الحشوة
2 حزمة سبانخ + حزمة بصل أخضر +2ليمونة +نصف كوب زيت زيتون + سماق
الطريقة بالصور
أول حاجة نعمل العجينة و نسيبها تخمر أنا سبتها ساعتين
دي بعد ما خمرت
دي حزمتين السبانخ و حزمة البصل
دة زيت الزيتون و السماق و الليمون
نجيب السبانخ و نقطع الجذور و نرميها
و ننظف البصل الأخضر و نخلية بالشكل دة
نقطع السبانخ
و نقطع البصل
و نضع السبانخ في مصفي و نغسلها كويس جدا ثم نرش عليها ملح و نسبها عشر دقائق لحد ما تتشرب الملح ثم نعصرها كويس جدا من اي ماء
دي بعد ما اتعصرت من الماء بعصرها من الماء بأيدينا حجمها بيقل زي كدة
و بعدان الموقع اللي بيصغر الصور مش راضي يشتغل دلوقتي فبقيت حجم الصور كبيرة
ثم
نضع البصل الأخضر علي السبانخ علي زيت الزيتون و نعصر الليمونين و السماق
و نقلبهم كويس
ثم نحضر العجينة و نفردها بالنشابة و بأي طبق عندنا نقطعا علي شكل دائرة
ثم نضع في وسط العجينة الحشوة و نبدأ بلم أطرافها
حتي تصبح شكل الصرة
دة بعد ما عملت كذا واحدة
ثم نحضر مقلاة بها زيت غزير و انا قلتلكم قبل كدة في موضوع حملة معا نحو حياة أفضل اننا مش نستعمل التيفال و نستعمل الاستنلس ستيل عشان نحافظ علي صحتنا
بس خلاص و بعد ما طلعت حطتها علي ورق مناديل المطبخ و بعدان جبت كذا فرع من البصل الاخضر و زوقتها كانها لبسة فيونكة
و زوقتها بطرنشات الليمون و الطماطم الورد
و بالهنا و الشفا
و يا رب اللي يقرا و تعجبة يرد لحسن انا تعبت فيها
و جزاكم الله خيرا
ارجو الدعاء لي بحسن الخاتمة و ان يكون ابني من حفظة القرآن و ان الله يهدي زوجي
و جزاها الله خيرا الاخت دودو المعادي عرفتني أزاي أصغر الصور من الكمبيوتر
جزاها الله خيرا
مواضيع هذا القسم برعاية
ROSY ROSY 133117_4.gif فتكات ست الكل Fatakat 133117 ღ *`•.¸.•´*ღ cotton candy cityღ *`•.¸.•´*ღ – ღ *`•.¸.•´*ღEgyptღ *`•.¸.•´*ღ