السلام عليكم ورحمة الله وبركاته
ازيكم يا فتوكات اسأل الله ان تكونوا فى اتم صحه واحسن حال
طبعاا كلنا بنحب البسله (( اكلة الملوك ))
وبندخلها فكذا طريقة شوربة خضار وخضار مشكل ومطبوخة
بس طريقى النهاردة جدييييييدة جداا
والجميل فيها انها من غير ولا نقطة سمن ولا زيت
نبدأ بسم الله::
المقادير::
بسله ( ان بستخدم المفرزة لانى نادرا ما بلاقى الفريش))
جزر ( بحب اجيبه واقطعه عليها مش بشتريها بجزر))
بصل ( حوالى بصلتين كبار))
ملح فلفل بابريكا قرفه جنزبيل مكعب مرق
لحم مفروم
وطبعا المقدار على حسب كل بيت
انا عملت كيس بسله 400 جرام وعليه 1/3 كيلو لحمة
الطريقة::
بنبشر البصله بالمبشرة المتوسطة ونحطها على النار وعليها البسله والجزر
ورشة فلفل اسود ونقلبهم فبعض لحد ما مايتهم تنشف
ودى بعد ما اتغسلت وحطيتها مع البصل والفلفل الاسود ع النار
هتسيبيهم يدبلوا شوية مع بعض من غير لا سمن ولا زيت
هنا بعد ما دبلو ومايتهم نشفت هبتدى اضيف الطماطم وللاسف الطماطم عندى مكانتش حمرا قوى
فحطيت صلصة معاها انا كمان ضربت مع الطماطم فلفله خضرا حاميه ودا اختيارى طبعاا
هضيف لهم مايه واسيبهم يستوا وندخل على الكفته
دى اللحمه عليها البصل مبشور ناعم جدا وفلفل اخضر حامى مقطع رفيع جدا
ملح فلفل بابريكا قرفه جنزبيل ونعجنها كويس
هنا بعد ما اتعجنت كويس جدا بصبعها على معلقة خشب ودا شكلها
نرجع تانى بتكون البسله استوت 90%
هنا بعد ما استوت واضفتلها مكعب مرق هنقلبها فى صينيه ونرص عليها الكفته نغطيها بالفويل وندخلها الفرن على اعلى درجة حرارة
لمدة ساعه الا ربع وبلاش نزدو المايه قوى لان الكفته هتنزل مايتها وتستوى فيها
ودى صورتها بعد ساعه الا ربع وقبل ما تحطها تحت الشوايه
ودى بعد ما خرجتها من الفرن واتشوت
وهنا صورة اقرب
قدمتها مع رز بالشعرية وسلطة خضرا
اتمنى اكون اضفت ولو اضافه بسيطة
اسالكم الدعاء بالذرية الصالحة مواضيع هذا القسم برعاية
oshi.life oshi.life 379541_2.gif سوبر فتكات Fatakat 379541 ابوظبى – الامارات
سبحان الله و بحمده