السلام عليكم ورحمة الله وبركاتة
ياريت حد من الى عندهم خبرة يردوا عليا
انا بعد ماولدت حصل لى مضاعفات
وعلشان اركب الوسيلة الدكاترة قرروا انى مش اركب لولب
وقالولى اصبرى لما الرحم يرتاح شوية
اخدت حقنة الى هى كل شر
وبقيت بنزف وبالذات اثناء العلاقة
ادولى برشام منع الحمل الى من الوحدة الصحية الى هو تقريبا بجنية
نفس الحكاية وبقت البريود تجيلى يمكن 3 او 4 مرات فى الشهر
بعد كدة اخدت العازل وطبعا زى ماانتم عارفين الراجل مش بيرتاح فية
وغير كدة كل ما يحصل علاقة بينى وبينة يحصل لى نزيف
المهم اخر مرة روحت لدكتور وكتبتلى على برشام جينرا
الى هو ب25 جنية
ماشاء الله رووعه وبجد ارتاحت فية جدا
وبقالى يجى سنة باخدة والحمد لله ارتاحت
ولما البريود بتيجى هما 3 ايام وخلاص
وراحة ونظافة وكلللللللل حاجة
المهم كنت بكشف نسا
وقلت اسال الدكتورة
انا بزيد فى الوزن جامد يادكتورة قالتلى اصحى وفوقى انتى طبعا بتاكلى كتير قلت لها اة فعلا قلتلى صحى النوم ياعسل
البرشام الى بتاخدية لمنع الحمل دة هو الى بيزود الجسم وهو الى بيفتح النفس على الاكل كدة
قلتلها يالهوى
قولى ليلى كدة بقى
انا مازدتش اوى بس انا فى الزيادة وحاسة انى هضرب
وحاسة انى طلع لى دوفيهات من كل مكان وجسمى تانة كدة
اولا انا مرتاحة جدا فى البرشام دة
واللولب كمان بيتعبنى ازاى
البريود بتقعد عندى كتير يعنى اقل كلام وانا مركبه 7 او 8 او 10 ايام
يعنى دة شىء بيضيقنى
علشان كدة انا مش حابة اركبة
شوروا عليا انا البريود عندى النهارة والدكتورة قالتلى تعالى تانى يوم تجيلك وانا اركب لك اللولب
احسن
علشان الهرومونات
شوروا عليا اعمل اية
واعمل اية لو شورتوا عليا وقلتلولى ركبى لوب
علشان البريود متجيش كتير
بالله عليكم شوروا عليا اعمل اية اركب ولا افضل اخد الجينرا
ويارب كل الى ترد عليا
قادر كريم يفرج كربها ويزيل همها ويسعد قلبها بماتتمنى
فراشة نسمات فراشة نسمات 670092_7.gif فتكات ست الكل Fatakat 670092 أسكن فى حضن زوجى وأولادى – أعيش فى بيتى مملكتى