ازيكو يا بنات وحشتونى
اللهم احفظ مصر واهلها من كل سوء
امين يارب العالمين
كل سنه وانتو طيبين
رمضان ع الابواب
وطبعا هو بيحب المخللات والتحابيش
وانا عملت مخلل البتنجان ده وقولت اوريهولكو
ويارب يعجبكم
كيلو بتنجان
توم وفلفل وطماطم ولمون ومعلقه صلصه وزيت وخل
توابل بقى زى ما تحبى
انا حطيت
ملح وكمون وكسبره ناشفه وشطه
ادى الباذنجان اهو هههههههه
انا بقى عملته بطريقتين والاتنين والله يا بنات احلى من بعض
انا سلقت نص كيلو
وحمرت نص كيلو فى الزيت عادى زى ما بنحمر اى حاجه
وصفيته من الزيت بتاعه كويس لانى لسه هحط عليه زيت اللى هو هيبقى من ضمن الخلطه
ماشى لحد كده
ادى يا ستى البتنجان المقلى
وادى المسلوق
وده سلقه بسيط جدا
حطيته فى ميه بملح خفيف لحد ما غلى وبعدين وطيت عليه النار لحد ما استوى
وبقى بالشكل ده اهو
ودى صوره عائليه للجماعه ههههههه
وخدو دى كمان
ندخل بقى ع الطريقه
انا جيبت
توم كتيييييييير لاننا هنا بنحب التوم الكتير يعنى لو انتى عايزه تقللى التوم دى حاجه ترجعلك وبراحتك خالص
وجيبت فلفل اخضر حامى ومش حامى
ولو عندك فلفل احمر يبقى خير وبركه
انا حطيت معلقه صلصه فى الخلطه بدل الفلفل الاحمر
لان الخلطه بتبقى اطعم واحلى كمان فى الشكل باللون الاحمر اللى فيها سواء صلصه او فلفل احمر
واللمون طبعا ده اساسى وكترى فيه براحتك خالص
وبعدين جيبت نص كوبايه خل مع نص كوبايه زيت
اهم
وقومت ضربه الخلطه دى كلها فى الكبه
بس مش تهرسيها اوى
لازم تبقى قطع صغيره اوى بالشكل اللى هتشوفيه تحت ده
ادى يا ستى شكل خلطته
واهه كمان من قريب
وبعدين ابتديت احشى النوعين من البتنجان المسلوق والمقلى
اهم
وده المقلى
اهم وهما مع بعض
وبعدين حطيتهم فى الطبق ده
ورشيت باقى الخلطه على وشه
وقفلت عليهم يومين لحد ما بقى طعمه واوووووووووووو
وعلى فكره انتى ممكن تاكلى منه فى ساعتها
ايه رايكم ؟
اسيبكم مع الصور
انتو مش متخيلين هو طعمه حلو اد ايه
التقيييييييييييم يا بنات لو المخلل عجبكم
مع الف سلامه
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر