ندخل على الشكل النهائى للباتيه وبعدين نكتب الوصفه بالتفصيـــــل
-المقادير
500جرام دقيق (حوالى 4 كوبايات دقيق وربع
يكون منخول كويس بيفرق اووى فى العجينه
فنجان زيت
2معلقه كبيره لبن بودره
2علبه زبادى (بس تقريبا العلبه التانيه بتتكسف تتصور ) وعلبه الزبادى الواحده 80 جرام عشان الفتوكات اللى عايشه برا مصر
3معالق كبيره سكر ناعم مش بودره # مهم اووى
صفار بيضه
ربع ملعقه بيكنج بودر
ربع م ص ملح
م ص خميره فوريه
ماء دافى للعجن
زبده سايحه للدهن بين الطبقات وده هنشوفه فى الخطوات الى جايه
والعجينه دى تجنن ماشاء الله ويتعمل بيها كرواسون بالشيكولاته كمان
اول حاجه هنحط المقادير الجافه مع بعضها ونخلطهم (سكر -ملح-بيكنج بودر-لبن بورد-خميره)
وبعدين نضيف المقادير السايله
(فنجان الزيت+الزبادى ومياء دافىء للعجن ونبتدى نعجنها كويس بحيث انها تكون العجينه لينه وملساء معاكى
ودى بعد ماعجنتها وسيبتها تخمر حوالى ساعه وربع شايفين ماشاء الله عامله الزاى
بعد مالعجينه خمرت معانا نبتدى نقسم العجينه لكور صغيره ونسيبها ترتاح حوالى عشر دقايق
انا هنا قسمتها لت 3كور بس
اخر كوره دى انا هعمل بيها حاجه تانيه خالص مش تبع الوصفه بس انا اتلغبطت وصورتها تمام كده
هناخد كوره من العجينه ونبتدى نفردها بشكل طولى يعنى مش دايره زى مااحنا شايفين كده وبعدين ندهن عليها زبده سايحه
بعد مافردنا اول طبقه ندهن عليها الزبده السايحه
وبعدين نفرد الكوره التانيه من العجينه زى الاولانيه بالظبط ونحطها على الاولانيه وندهنها برده زبده سايحه وهنشوف ده فى الصوره اللى جايه
هنا دهنت الطبقه التانيه بالزبده وهكذا
وهنا عملت 3 طبقات من العجينه بين كل طبقه دهنت زبده سايحه واخر طبقه برضه دهنت فوقيها زبده سايحه
دى الجبنه اللى انا استخدمتها للحشو جبنه بيضا حادقه
بتبقى الذ واطعم فى الباتيه
ومش بيبقى فيها ميه كتيير عشان متبوظش الباتيه
شايفين دهنت اخر طبقه برضه بالزبده وحطيت الحشو بتاعى (الجبنه ) وعشان اعرف الفها كويس بعد مادهنت الزبده سيبتها شويه جمدت على العجينه ولفيت رووول
@ملحوظه بقا
واحنا بنلف الروول منلف كويس بحيث ان نضمن الحشو ميطلعش منه
احنا فردنا ال 3 طبقات بشكل طولى زى ماانتوا شايفين
عشان يبقى طول الطبقات اكبر من عرضها عشان مش عايزينها تبقى مكتومه من جوه
وتبتدى بقا تقطعيه بالحجم اللى تحبيه وده هنشوفه فى الصور اللى جايه
شايفين شكله من جوه ماشاء الله مورق من جوه الزاى وعشان الباتيه يبقى دهبى نجيب ربع معلقه بيكنج بودر على معلقه ميه ونخلطهم وبالفرشه ندهنه بيطلع دهبى وجميل ماشاء الله عن تجربه نسيبه بقا على جنب ونولع الفرن 5 دقايق يسخن وبعدين ندخله على درجه حراره 180 واول مايبقى دهبى من تحت نقفل عليه ونشغل الشوايه عشان يحمر من فوق
وده الشكل النهائى للباتيه بتاعنا بجد ماشاء الله يجننن على الفطار او اى وقت
وده شكله من تحت ماشـــــــــاء الله دهبى وجمييل يمى يمى وهش كمان وطرى
ومش محتاجه منكم غير دعوه حلوه بظهر الغيب ان ربنايقر عينى بمااتمنى ويريح قلبى ويسعدنى
فى رعايه الله يافتوكات مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt