ازيكم حبايبى غبت شوية عن اخر موضوع ليا وهو توفى ميلك شيك
توفى ميلك شيك ماركة quite
https://fatakat.univanet.com/#4387309
ياريت تشوفوه لانه ما اتشافش كويس لانى كنت مستعجلة ونزلته متاخر اوى
والنهاردة عملالكم الطحينة ان شاء الله وازاى نعمل السلطة منها زى بتاع الكبابجى للى مايعرفوش طريقتها وانا عارفة ان اغلبنا عارفها
المهم
المقادير
كوب سمسم نى
ربع كوب دقيق
1/2 كوب زيت
وانا زودت معلقة دقيق ومعلقتين زيت وممكن نحط شوية سودانى مع السمسم ودى الطريقة اللى بتتعمل بيها بتاعة السرجة بس انا عملتها سمسم بس
الطريقة
هنحط السمسم بتاعنا فى طاسة على النار
ونحمصه لحد مايبقى لونه دهبى
هنحطه فى الخلاط وعليه الدقيق وانا عايرت كله بالمج الازاز
ونضيف عليهم الزيت ونضربهم كويس وممكن كل شوية نفصل ونقلب بالمعلقة ونضرب ولو تخينة ممكن نضيف شوية زيت صغيرين
ونصبها فى برطمان ونسيبها تهدا
شايفين الكمية حطيتها فى برطمان نص كيلو طلعت قد ايه
وبلاش تزودو الدقيق عن كده يعنى فى ناس بتحط دقيق اد السمسم وده مش حلو الاحسن يبقى المقدار كده وعشان كمان تظبط معاكم لما تيجو تعملو سلطة طحينة منها ودى سلطة الطحينة اللى عملتها منها
بحط شوية طحينة فى طاسة مع شوية خل حوالى معلقتين كبار مع معلقتين طحينة مليانيين واقلبهم على نار هادية واول ماتمسك فى بعضها احطلها ماية تدريجى واقلب لحد السمك اللى عاوزاه وخدى بالك بتتخن عالنار عشان الدقيق اللى فيها وكمان بتتقل لما تبرد شوية وبعد كده نحطلها الملح ورشة فلفل وشوية كمون حلوين حوالى ربع معلقة شاى كمون وشوية شطة بودرة
وممكن بدل ماتعملى السلطة عالنار تعمليها بماية مغلية بس مش هتتخن اوى زى اللى عالنار وكمان عمايلها عالنار بتهدى ريحة الخل
يارب الموضوع يفيدكم انا جوزى بقى يحب اللى بعملهاله اكتر من اللى بنشتريها
مستنية اراءكم وردودكم كالمعتاد
مواضيع هذا القسم برعاية
Lady menna Lady menna 473741_5.gif فتكات رائعة Fatakat 473741 القاهرة – مصر