السلام عليكم ورحمة الله وبركاتة
حبايبى الفتوكات انا عارفة اننا كلنا بنحب
الشيبسى وخاصة اولادنا
وشفت فى المدونة طرق كتير
للشيبسى وكلها بجد جميلة وممتازة
فقلت اوريكم طريقتى انا كمان ويا رب
تعجبكم
اول حاجة علشان تضمنى ان الشيبسى يطلع كويس هى نوع البطاطس تختارى البطاطس اللى تحسى وانتى بتقشريها ان فيها ميةوخاصة البطاطس اللى لونها ابيض
تانى حاجة ان الزيت يكون درجة حرارتة عالية علشان البطاطس متلزقش فى بعضها
طبعا بعد متقشرى البطاطس
خرطيها رقيق جدا انا بعملها بالسكينة
يعنى وانتى بتعملى رقائق الشيسبى كل اما تشوفى حد السكينة من تحت رقاقة البطاطس كان احسن
زى كده
وممكن تنقعيها شوية فى المية
علشان تاخد اشكال مايلة زى الشيبسى يعنى تلاقيها ملتوية من
الاجناب
ولما تيجى تحمرى متحطيش البطاطس مرة واحدة وانتى واقفة حطى واحدة واحدة ورا بعض لحد متملى الطاسة بالبطاطس
ومتسبيش البطاطس لما تتحمر قوى لحد متاخد لون دهبى بس
لانها لو احمرت تكون كدا دخلت فى مرحلة الحرق ويكون طعمها مش حلو
ودى الصور
اناعارفة انى طولت عليكم بس
انا شرحتلكم زى ما بعمل فى بيتى بالظبط ويا رب الطريقة تعجبكم
ودى صورة اخيرة
شكراليكم حبايب قلبى
مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة