سلام عليكم
ازيكم يا فتوكاااات
انهاردة عملت رز بسمتي بالفلفل و التوابل و الصراحة مرات اخويا اللي اديتني طريقته و من ساعاتها وانا بعمله
نيجي
للمقادير
نص كيلو رز بسمتي
زيت
توابل ( 2 مكعب شوربة خضروات ماجي +معلقة صغيرة من( كاري و كركم ) + ونص معلقة صغيرة( زعتر و ريحان) ربع معلقة صغيىرة زنجبيل مطحون + 4 عيدان قرنفل + 4 عيدان قرفة خشب+ 2 فص حبهان و 2 مستكة
قرنين فلفل و ممكن كمان جزر لو حابين
الطريقةةة
ننقغ الرز في مية سخنةة كذا مرةة ونغير المية اما تبرد لحد اما نتخلص من النشااا تقريبا 4 مرات نكرر الموضوع ده والمية تبقي تقريبا شفافة و نخلي الرز يقول حقي برقبتييي هههههه
نسخن الزيت انا استخدمت زيت عباد شمس و نحط التوابل اللي ريحتها تبان في الزيت السخن( قرنفل + قرفة خشب+ حبهان +المستكة) نقلبها تقلبتين بس تطلع ريحتها و منسيبهاش كتير علشان متتحرقشي التوابل
بعد كدة نحط قرنين الفلفل و نقلبهم برده تقلبتين
و بعد كدة نحط المية المغلية و منكترشي و نعمل حساب اننا نقعنا الرز في الاول في مية سخنة و ده بيخليه يستوي شوية يعني ممكن نحط كباية ميةة سخنة مغلية بس و نضيف باقي التوابل و ملح
و ننزل بالرز و نسيبه يغلي و نوطي عليه و هو موش هياخد وقت كتير في التسوية لانه من كتر النقع بيكون دخل في السوا
وبعد كدة نغرفه في طبق التقديم و بالهنا و الشفاا
و هسيبكو مع الصور
اوعو تنسووو التقييممم لو عجبكوووو الموضوووع
و ادعووولي بالهداية ليا و لخطيبي و ان ربنا يجمعنا عاجلا و ليس اجلا و يجعله قرة عين لي و يجعلني قرة عين له
متنسووووش يا بنااات التقييييييييم لو عجبكو الموضووووع…
سلام عليكم مواضيع هذا القسم برعاية
mishmisha84 mishmisha84 فتكات ست الكل Fatakat 139403 القاهرة – مصر