السلام عليكم ورحمة الله وبركاته
انهاردة عملت بيض مقلي دايت ولذيذ ينفع للي عاملين ريجيم وهو صحي وجميل جدا
المكونات
بيضتين اوحسب ما تحبي
نصف كوب ما او اكتر حبة
معلقة خل (نكهة ويمكن الاستغناء عنها)
نقطتين بالعدد زيت بيتهيألي ينفع من غيرهم برضه بس انا عملته كدة
شرايح فلفل اخضر رومي او اي خضار تحبيه
رشة ملح وفلفل
الطريقة
هتجيبي الطاسة يفضل تيفال بس انا عملتها ف طاسة عادية
هتحطي الماية والزيت والخل
وعليهم الملح و الفلفل الاسمر والأخضر
تستني اما يغلو وتضيفي البيض
طبعا ممكن تسيبيه عيون او تقلبيه براحتك
تستني دقيقتين اما الماية تنشف وتحسيه استوى وتطلعيه
وتقدميه بقى لنفسك مع ربع رغيف وشرايح خيار وطماطم
ادعولي اخس بقى ,, وادعولي ربنا يبعد عني وعن خطيبي المشاكل ويكملنا على خير
في رعاية الله يا قمرات
مواضيع هذا القسم برعاية
drnanoo drnanoo images/flowersavatars/avatar0021.jpg فتكات رائعة Fatakat 158367 دنيا تانية – أم الدنيا مصر