كيف حالكم يا اجمل فتوكات
كل عام وانتم بخير وعيد مبارك عليكم يارب وعلى الامه الاسلاميه جميعا
بداية احب اشكر مرقبتنا الجميله شهد كلمات الرحمن على مسابقتها الجميله واللى فزت معاها فيها بالمركز الاول
الحمد لله
وابارك لكل اخواتى المتسابقات فوزهن
مبروووووووووووووك للجميع
وده رابط المسابقه ويارب اكلتى تعجبكم
ده كان فطرنا ياقمرات فى يوم من ايام الشهر المبارك باصناف هنزلها ان شاء الله فى مواضيع منفصله بالشرح والصور
كان منها
صنية البطاطس بالفراخ فى الفرن
اساس مسابقتنا اليوم
وهشرحها ان شاء الله بالتفصيل
ويارب تعجبكم
اولا ميزة الاكله دى انها جميله ولذيذه وسريعه وتنفع فى العزومات وفى نفس الوقت مش هتاخد منك وقت يافتوكه وهعملها النهارده بخلطه هتعجبك ان شاء الله لانها تحفه بجد
نبدا بسم الله
انا جبت فرختين وغسلتهم كويس وطبعا بتنقعيهم زى ما انت عارفه يافتوكه فى مايه وملح وليمون وخل
وبعدين بغسلهم بالدقيق لما يبقوا فله كده
وبعدين بنقطعهم على حسب حجم الفرخه انا هنا قطعت كل فرخه الى 6 قطع
وبتمسكى كل قطعه وتغزيها بالسكينه كويس عشان تتشرب الخلطه بتاعتنا
وبعدين بتقطعى البطاطس والفلفل لشرايح رفيعه بس مش اوى زى كده
وبعدين بتعملى الخلطه التحفه اللى هتخلى طعم الصنيه جنان ان شاء الله وهى عباره عن
بصله متوسطه مبشوره +5 فصوص توم مدقوقين +علبة زبادى +معلقة شطه سائله حسب الرغبه +معلقه كاتشب +معلقه كبيره صلصله +معلقة خل +3 ملاعق زيت +ملح +فلفل اسود+بهارات
وبعدين بنخلطهم مع بعض كويس جداااااا لغاية لما يبقوا بالشكل ده
بعد كده هندعك الفراخ والبطاطس بالخلطه دى كويس جدااااا ونحط الخلطه ما بين الجلد واللحم فى الفرخه
وبعدين نرص صنيتنا عادى البطاطس الاول فوقها الفلفل فوقها الفراخ وعلى الوش نرش شوية فلفل اسود وملح وشوية زيت
زى الصور كده
وبس كده يا فتوكات بتغلفيها بورق فويل وعلى التلاجه عدل عشان تتنقع فى التتبيله بتاعتها وتدخل الفرن تانى يوم
وممكن تعمليها فى نفس اليوم بس تتبل مش اقل من 3 ساعات عشان تبقى جميله
هكمل فى المشاركه الجايه استنونى
مواضيع هذا القسم برعاية
القطه الحنونه القطه الحنونه 554779_5.gif فتكات ست الكل Fatakat 554779 ………… – ……………