نبدأ بسم الله
الفكره الاولي صينيه الدونات كيك
مش كلنا عندنا الصينيه دي انا عن نفسي لسه جايباها ههه
في الحاله دي ممكن نستخدم صينيه عاديه بحجم مناسب ومعاها كوب من ماده تنفع تدخل الفرن زي كده وهاتديني نفس الشكل
وانا عن نفسي كنت بملي الكوب برضوا من خليط الكيك اولا بيتقل الكوب وكمان استفدت من مساحته
الفكره التانيه خليط الكيك والبيكينج
هانقول الاول خليط الكيك العادي بمقاديره وخلط يدوي
بعد مابضرب بيضتين بالشوكه مع الفانيليه باضيف كوب سكر عادي
وبضرب برضوا بالشوكه واضيف كوب زيت ونصف كوب ميه او حليب لو ميه هاضيف معلقه لبن بودره واضرب بالشوكه برضوا
الفكره بقي عشان اوزع البيكينج كويس هاضيف معلقه دقيق ومعلقه البيكينج للخليط ده
واضرب بالشوكه كويس وبعدين اضيف باقي كميه الدقيق وهي 3 كوب دقيق والكميه دي بتعمل صينيه كبيره وبيكون نااجح جدا ماشاء الله معايا وبكده انا ماستخدمتش مضرب وكمان ما احتاجتش انخل الدقيق مع البيكينج
الفكره التالته كيك البسكوت الابيض
انا كنت عملت موضوع سابق الكب كيك بالاوريو طب ليه مانعملش العكس يعني كيك شوكلت هاحشيه بسكوت ابيض محشي يكريمه بيضا والمرادي في صينيه مش كب كيك
واخدت شويه من خليط الكيك اللي عملناااه فوق علي معلقه كاكاو غامق وقلبتهم كويس حطيت نصهم في صينيه مدهونه ومرشوشه كاكاو لانها شوكلت كيك فيفضل ا رشها كاكاو مش دقيق ورصيت البسكوت
واغطي بالنص التاني وادخل الفرن وده بعد ماطلعت وبردت واتقطعت
ايه رايكم في الخيال العلمي ده هههه
^-^
^-^
^-^
الفكره الراابعه تزيين بسيط وجميل
وهي الكيك لسه خارجه سخنه هاحط قطع شوكلت بيضا حتي لو محشيه عاادي
بعدين هاحط فوق كل قطعه قطعه اصغر يس شوكلت غامق
بعدين بطرف سكينه انا استخدمت عود شوي واعمل خط في النص في اتجاه واحد ومره واحده ودي النتيجه
ومش محتاجه تدخليها التلاجه حتي عشان احنا ماضيفناش زيت او اي شيء للشوكلت هاتلاقيها جمدت في الهواء الطلق ههه
ايه رايكم شكل رقيق وبسيط وماحتجتش اسيح الشوكلت وماهدرتش منها فتفوته
والكيك ده من نفس الخليط وبنفس الطريقه اللي في اول الموضوع ماشاء الله هشه وجميله
الفكره الخامسه الفرن
اهم حاجه في الكيك حراره الفرن ولو كان بيسرب حراره زي فرني العزيز اكيد هاتهبط طب الحل اشوف المكان اللي بيسرب منه واحط فيه ورق فويل يقفل مكان التسريب
الكميه دي عملت 14واحده كب كيك وصينيه صغيره الشوكلت كيك بالبسكوت الموضوع القادم ان شاء الله هانكمل افكار الكب كيك
لو عاوزه تتابعي الاجزاء الجايه باذن الله سيبيلي رد هنا عشان اعرف اعملك اقتباس وده رابط الجزء السابق
افكار حلوه§ للناس الحلوه(17)§
https://fatakat.univanet.com/#5519092
وده رابط الجزء ال15 وفيه تلخيص لما قبله من اجزاء
افكار حلوه§ للناس الحلوه(15)§ رمضان كريم
https://fatakat.univanet.com/#5459380
لوشايفه ان الموضوع يستاهل ان يشوفه غيرك ارفعيه برد وتقييم
ولوشايفه ان استاهل منك دعوه حلوه ادعيلي ربنا يشفيني ويصلح حالي ويحفظلي نعمته[/color][/color]
[/color] مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله