زي ماوعدتكم ان انا هكمل ان شاء الله موضوع التهابات المهبل ( الاتهابات والامراض الشائعه )
انا شرحتلكم في الجزء الاول التهاب المهبل الفرجي الفطري الي بيسببه فطر الكانديدا لكن زي ما بيكون في التهابات فطريه في التهابات بكتيريه والتهابات من انواع اخرى ان شاء الله هقولهالكم بردو بس نقول ايه اغلب الامراض الشائعه في المنطقه دي .
ودا الجزي الاول الي شرحنا فيه الكلام دا https://fatakat.univanet.com/#3590580
إلتهاب المهبل البكتيري بيقولو عليها الدكاتره الاجانب الداء البكتيري الحرج للسيدات ودا بسبب أعراضه المحرجه
زي مقولنا يعني ايه فطر امبارح انهارده هنقول يعني ايه بكتيريا : البكتيريا كائنات مجهريه صغيره جدا بتتواجد في كافه الاجواء المحيطه بنا يعني بتقدر تعيش في اجواء مختلفه جدا وفي اوساط مختلفه جدا وبتاخد اشكال عديده عصويه وكرويه وحلزونيه وعنقوديه .
البكتيريا بتعيش فالجسم البشري بأعداد كبيره جدا و الاعداد الكبيره دي ممكن تفوق اعداد الخلايا البشريه نفسها يااااااااه تخيلو بقى !!
طبعا البكتيريا في منها نافع وبيستخدم على نطاق اقتصادي ونطاق بيئي و في بكتيريا بردو زي الفطريات عايشه لا ضرر ولا ضرار وبكتيريا ضاره زي بكتيريا المسببه الطاعون ( ربنا يعفي عننا جميعا ) .
__________________________________________________ _______________
احنا انهارده هنسيب بكتيريا الجسم كلها و هنفحص تحت الميكروسكوب بكتيريا الموجوده والمتعايشه فالمهبل عندنا كلنا ..
اول حاجه هنعرف المرض دا المسمى العلمي بتاعه إيه وإيه نوع البكتيريا علميا الي بتسببه :
المرض دا بيطلقو عليه ( داء المهبل البكتيري bacterial Vaginosis) او (التهاب المهبل الغاردنيريلي Gardnerella Vaginitis) او (التهاب المهبل غير المحدد" Nonspecific Vaginitis)
طبعا دا داء يصيب معظم السيدات في سن الانجاب طيب بيجي ليه الداء دا ؟؟؟؟
في عوامل معينه بتحصل بنقول عليها عوامل افتراضيه متزامنه ومسببه لحدوث المرض زي ايه العوامل دي ؟؟
1- الاكتئاب والضغط النفسي
2-الدش المهبلي يعني بتشطفي تجويف المهبل بكذا طريقه ( في بنات انا شيفاهم اهو وعرفاهم وسيدات بيفكرو ان كتر المياه اثناء التشطيف بينضف اكتر فيفتحو الشطافه زي خرطوم اطفاء الحريق و طخ تخبط المياه في تجويف المهبل تموت عدد كبير من البكتيريا النافعه الي بتحميكي من البكتيريا الضاره .. مش بس كدا الدش المهبلي بالمعطرات والشور جيل والصابون ابو ريحه حلوة دا و البتادين وغيره من المطهرات وليس مطهرات علاجيه كتر كل الحاجات دي بتأثر على البكتيريا النافعه الي متعايشه فالمكان دا )
3- اللولب خاصه الناس الي مش بتغيره باستمرار وموانع الحمل
4- فرط النشاط الجنسي وممارسه العاده السريه
5-تناول المضادات الحيويه زي المضادات لالتهاب الحلق واللوزتين و التهاب المسالك البوليه لفترات طويله بيقضي على البكتريا النافعه
6-الاضرابات المعويه زي الاسهال و طرق التشطيف الخاطئه ( من فتحه الشرج للامام ) ودا خطأ شائع عندنا كلنا
7-الملابس الداخليه الضيقه الغير مساميه
8-الاورام والعلاج الاشعاعي و التغيرات الهرمونيه والاصابه بمرض السكر
9-ممارسه السيده الجنس مع شريك جديد او مع عده شركاء ( استغفرك ربي واتوب إليك ربنا يرحمنا جميعا ويعفي عننا )
10-اختلال التوازن بين فطريات المهبل و بكتيريا المهبل (دا بيحصل لمعظم الاسباب الي قولتها قبل كدا )
__________________________________________________ _______________
طبعا دي معظم الاسباب بنسبه كبيره الي بتسبب في التهاب المهبل البكتيري
طيب نفهم الاسباب دي بتعمل ايه بقى :
بيحصل إختلال في التوازن الطبيعي بين أنواع عديده من البكتيريا التي تعيش في تجويف المهبل فالبكتيريا النافعه بتقل والبكتيريا الضاره مبتصدق تتكاثر ودي بتسمى علميا البكتيريا اللا هوائيه Anaerobic ( بكتيريا لا تحتاج لوجود الاكسجين لتظل على قيد الحياه ) وبيزيد عددها على حساب البكتيريا النافعه ودا بيؤدي إلى التهاب خلايا جدران المهبل .
البكتيريا الضارة Gardnerella و Mobiluncus (الموجودة عادة بعدد قليل داخل المهبل) تتكاثر بحيث يفوق عددها عدد البكتيريا النافعة المسماة "الملبنات" Lactobacilli (التي تكون عادة أكثر عدداً من البكتيريا الضارة، وفي حال زيادة عدد الأخيرة تقوم البكتيريا النافعة بإفراز مادة مطهرة تسمى "فوق أكسيد الهيدروجين" Hydrogen Peroxide وبهذا تحافظ على التوازن بينها وبين الأنواع المختلفة من البكتيريا الموجودة داخل تجويف المهبل).
وطبعا البكتريا الممرضه دي بتغير في وسطيه المهبل ودا الي بيعمل خلل بين البيئه الفطريه والبيئه البكتيريه في المهبل و البكتيريا دي بتسمى الجرثومه اللاهوائيه او المستديمه المهبليه ..
طيب أحنا عرفنا دلوقتي اسباب و الوسط الي بتغير فالمهبل خلال الاصابه إيه هيا بقى الاعراض ؟؟
1- البكتيريا الي ذكرت مسبقا تسبب جعل سائل المهبل الابيض الشفاف الرقيق إلى سائل سميك جدا ولزج ذو لون اصفر او رمادي ويمكن ان تصبح في قوام الجبن السميك .
2- حكه وحرقان في المهبل بالاضافه إلى حكه شديده تزداد في الجزء الخارجي من الجهاز التناسلي
3- ألااام مبرحه للمتزوجه خلال اللقاء الجنسي الزوجي ( الجماع ) وخلال التبول
4- غيرا عن افرازات المهبل الطبيعيه والتي تصاب بالخلل يظهر افرازات اخرى سميكه جدا ، مائية أو رغوية، رمادية أو بيضاء (لبنية) اللون، مصحوبة برائحة كريهة تشبة رائحة السمك، أو رائحة العفن. ويلاحظ في بعض الأحيان أن هذه الرائحة تزداد شدة بعد ممارسة الجنس، وذلك بسبب اختلاط السائل المنوي مع الإفرازات المهبلية.
5- حدوث نزيف دموي بسيط وخاصا بعد عمليه الجماع .
طيب بردو هقولك هتروحي عند الدكتورة وتقولك التهاب بسيط قوليلها لا يا حببتي انا قريت على فتكات وعرفت ان لازم مزرعه لمعرفه نوع المضاد الحيوي المناسب ودا كمان بعد متتأكدي منها الي عندك دا التهب فطري ولا بكتيري ..
خلال الفحص السريري بقى :
ويمكن تأكيد التشخيص بواسطة أخذ عينة من الإفرازات المهبلية ووضعها على شريحة مجهرية، وإضافة كمية قليلة من "هيدروكسيد البوتاسيوم" Potassium Hydroxide اليها، وفي حال معاناة المرأة من داء المهبل البكتيري يُلاحظ صدور رائحة شبيهة برائحة السمك.
وأما في حال إضافة كمية قليلة من "كلوريد الصوديوم" (ملح الطعام) Sodium Chloride الى الإفرازات المهبلية، فإن هذا يؤدي مجهرياً الى ظهور خلايا جدار المهبل الظهارية Epithelial محاطة (مغلفة) بالبكتيريا. وكذلك فإن التهاب المهبل البكتيري يؤدي الى تحول بيئة المهبل من الحامضية الى القلوية .
طبعا هتقولولي دا مينفعش الكشف دا للبنات هقولكم لا ينفع للعذراء والمتزوجه عن طريق مسحه من افرازات المهبل من فوهه المهبل
طيب ممكن تظهر الحاله المرضيه دي بعد الدورة الشهريه مباشره .. وبتتكرر عندما يتكرر نزيف الدم خلال الفتره بين دورة ودورة تانيه ودي ممكن تحصل لاي حد و خلال نزول الدم دا وسط المهبل بيتغير من حموضه المهبل عشان كدا ممكن تصيب البنات العذروات ..
__________________________________________________ _____________________________________
طبعا يا حببتي الحاله المرضيه البكتيريه دي مش لطيف وخطر انك تطنشيها و متعالجيهاش وتسبي الوضع يتفاقم منك كدا لان دي ليها مضاعافات ومضاعفاتها خطيره تعالى معايا نعرف ايه هيا مضاعفاتها :
1- التهاب الحوض
2- الاصابه لقدر الله بالعقم
3-زياده حالات الولاده المبكره بخمسه اضاعاف احتماليتها
4-التعرض للاجهاض لقدر الله
5-ولاده طفل أقل من الوزن الطبيعي
6-حمل خارج الرحم
7-ولاده طفل قبل اتمامك الشهر التاسع و بعد الاسبوع العشرين
8-التهاب الاعضاء الواقعه في تجويف الرحم
9- أشارت دراسات عديدة الى أن المرأة التي تعاني من التهاب المهبل البكتيري، أكثر عرضة للإصابة بالأمراض المنقولة جنسياً.
كذلك فإن المرأة التي تعاني من التهاب المهبل البكتيري، أكثر عرضة للإصابة بالعدوى والإنتان Infection بعد خضوعها لعمليات جراحية في أعضائها التناسلية
__________________________________________________ _________________________
طبعا يا بنات احنا كبار وعارفين ايه هيا الامراض الي ممكن تنتقل جنسيا ( سيلان والايدز و الهيربس و الكلاميديا ) وفي هذه الحاله يكون حاله مرضيه معديه للشريك الاخر ( يبقى لا منك ولا من كفايه شرك )
طبعا الاعراض دي كلها مزعجه ومش هتريحك نهائي وهتتعبك وهتوترك بس في حاجتين هنقولهم قبل مندخل فطرق الوقايه لانهم اهم حاجه مش بس عشان المرض دا لوحده لا عشان تمنعي عنك اي مرض لقدر لله : انك تظبطي العاده الغذائيه عندك وتبعدي عن التوتر النفسي والضغط النفسي باشواط ومسافات من الاخر خليكي تلاجه مهو لما تتعبي محدش هينفعك يا فتوكه
طيب إيه هيا طرق الوقايه بقى من الاصابه بالمرض دا :
1- يمنع استخدام الصابون والشامبو المعطرين لتنظيف الجهاز التناسلي الخارجي
2- يمنع شطف تجويف المهبل لا بالماء العادي ولا بالغسول (دوش)، لأن ذلك يؤدي الى إزالة وطرد أو القضاء على البكتيريا النافعة الموجودة في المهبل، علماً بأن تنظيف تجويف المهبل يحدث تلقائياً وبشكل طبيعي ودون الحاجة للتدخل الخارجي.
3- بعد التغوط (التبرز) والتبول يجب تنظيف ومسح المنطقة التناسلية الخارجية من الأمام الى الخلف بعيداً عن الفتحة التناسلية الخارجية (الفرج).
4- يجب استخدام ثياب داخلية مصنوعة من القطن وعدم استخدام الثياب الداخلية المصنوعة من النايلون.
5- عدم استخدام الحشوة المهبلية Tampon
6- يجب استخدام الواقي الذكري أثناء ممارسة الجنس
7- الخضوع لفحص روتيني (دوري) عند طبيب اختصاصي بالأمراض النسائية والتوليد.
8- الإكثار من تناول اللبن و الزبادي واللبنة، أو أغذية أخرى تحتوي على بكتيريا "الملبنات" Lactobacilli، بدلاً من إطالة فترة تناول المضادات الحيوية.
9- أخذ حمام دافئ يتضمن خل التفاح في ذلك. ينقع لمدة ساعة على نفسك ما يصل الى نصف يوميا.
10- دتوإكس كامل الجسم عن طريق تناول الخضروات والفواكه فقط الأطعمة الطبيعية الأخرى ، لا تنس للحصول على الألياف نخالة.
11- التوقف عن تناول حبوب منع الحمل. يمكن لهذه تؤثر على التوازن البكتيري في المهبل. اختيار وسائل منع الحمل الأخرى ، إذا أمكن ذلك.
كدا يبقى احنا فهمنا نوعين من الالتهابات الشائعه الفطريه والبكتيريه مش هما دول بس يا بناويت الي ممكن نصاب بيهم في انواع اخرى نادرا ما يصاب بيها سيدات ..
انا معاكم كل يوم ان شاء الله بموضوع جديد اطلب مني عشان تفهموه
اي اسئله واستفسارات عن العلاج هرد عليكم ان شاء الله وربنا يبعد عنا الامراض كلها ونعيش اصحاء
بحبكم يا فتاتيييييييييييييييييييييييييييييييييييييييييييييي ك ومتنسوش التقييييييييييم
dr.fluffycinderella dr.fluffycinderella فتكات رائعة Fatakat 722792 portsaid – Egypt