تعالو شوفو المكمورة الاردنية..وصفة وصورة 2024.

منقول لعيونكم رح اطبقها وانزل صورها من مطبخي انتظروني

يا جماعه هاي وصفة المكموره الي بنعملها بأربد

المقادير :::-

هي مقادير بتكفي تقريبآ من 5 أشخاص 6 أشخاص::

3ك طحين أبيض وكاستين طحين أسمر:
3ك بصل
وزيت زيتون

ودجاج عدد 3

بهارات مشكله فلفل أسود وهيل ناعم ورق غار
طبعآ حسب الرغبه بهاراتها
وفي ناس بتحب تضيف حبة البركه مع العجينه

الطريقه::
بنخلط الطحين ومنضيف عليه الملح
وبنعجنه بماء متوسط الحراره
عجينته طبعآ ما بنحطلها خميره بتكون عويصه
زي عجينة الششبرك تكون متماسكه وبنفس الوقت تكون شوي فيها ليونه حتي نقدر نتحكم فيها بنقطعها قطع متوسطه وبنتركها ترتاح حتي نجهز الجاج والبصل

منفرم البصل خشن ونضعه في الطنجره تكون سعتها منيحه
ونضيف عليه زيت الزيتون بحيث نغطي البصل منيح حتى يصير لونه ذهبي
بنضيف عليه الجاج طبعآ بيكون منظف منيح ومقطع حسب الرغبه
منضيف جميع البهارات الي حكيناها مع الملح على الجاج وبنغطيه عشر
دقايق وبعدين بنرجع نقلبه ونخليه كمان عشر دقايق
يعني نص استواء ونطفي النار تحته ونخليه يبرد شوي

بعدين بنفرد قطعة عجينه تكون سميكه في الصينيه لازم تكون الصينيه حجمها مرتفع
او طنجره بس تكون المنيوم او المعجن الي بنعجن فيه العجين
اهم شي تندهن بالزيت أرضية الصينيه
وبنرجع نحط كمان قطعه وبعدين بنحط كمية من البصل وجزء من قطع الجاج
هيك بنظل نضيف الطبقات حتى تخلص الكميه كلها

وبعدين بالشوكه بنعمل للعجينه تهويه حتى تساعدها على الأستواء من الداخل
وبعدين بنحطها بالفرن على حرار متوسطه وبدها من 2س ال 3 ساعات

وهيك بيكون شكلها بعد ما جهزت

تعالو شوفو المكمورة الاردنية..وصفة وصورة

تعالو شوفو المكمورة الاردنية..وصفة وصورة

وصحتين وعافيه ان شاء الله تكون عجبتكو مواضيع هذا القسم برعاية

الزنبقة الوردية الزنبقة الوردية images/avatars/pacifier.jpg فتكات ست الكل Fatakat 793622 الخليل – روحي فلسطين

سبحان الله و بحمده