حبيباتى القمرات
عملت الموضوع ده عشان عيونكم الحلوين
واتمنى من الله انه يكون افاده تفتكرونى بيها بالخير
موضوعنا خاص بالعزومات وتحضيراتها المسبقه
وكمان منيوهات متنوعه للعزومات وكيفيه اختيار انوع اصناف عزومه على حسب الاشخاص اللى معزومين
وكمان كيفيه الابداع فى عمل حلويات العزومه
نبدأ بأسم الله
اولا كيفيه التحضير المسبق للعزومه
حنحضر قبلها بثلاث ايام
لازم نتفق على كده عشان نقدر نقعد مع ضيوفناومش نكون تعبانين
الاشياء اللى لابد من تحضيرها خلال اليوم الثالث قبل العزومه"
1-الفراخ
لو حنشويها او نعملها فى الفرن
حنضفها كويس طبعاوحتتبل وتتحط فى اكياس فى الفريزر
بالشكل ده
وبكده تكون دجاهزه على الفرن على طول
اما بالطريقه دى
او بطريقه المحشيه والمشويه
2- الكفته
بنعملها بطريقتنا البسيطه
بالبصل والبقدونس والبهارات
وممكن نشيلها كده
او نسويها ونشيلها كده
طبعا مننساش التكييس عشان متلقطش روايح من التلاجه او الديب فريزر
وبكده نكون وفرنا مجهودها وكمان المواعين
يادوبك تدخل الفرن وابقى ياستى ارمى الورق الحرارى
اما الكفتهالمحشيه بخلطه البيتزا او بالجبنه
نجهزها ونحشيها ونشيلها فى الفريزر على القلى على طول
ونبقى خلصنا من دربكه المواعين
وتكون جاهزه للقلى
وده شكلها
دى الكفته
3- اللحمه
بنحضر اللحمه لو حنشويها مثلا
بنعملها بالبصل والبهارات والتتبيله اللى تحبيها
ونشيلها
وتكون جاهزه على الشوايه على طول اما لو عايزين نعملها بفتيك
بنعملها بالبيض والبقسماط
ونرصها فى اطباق الفويل بالشكل ده
والفراخ البانيه بنفسسسسس الطريقه
وبكده تكون جاهزه على القلى يوم العزومه
طبعا الاسماك بيفل انك تعمليها يومها لانها مش بتتحمل التتبيل فتره كبيره
خلصنا من الرئيسى
4-نحضر العصاج
ويكون جاهز لانه بياخد وقت وكمان بهدله للبوتجاز
ونحطه فى علبه فى الفريزر او التلاجه مع احكام غلقه
نحضرررررررررررررررر
العصاير الفريش اللى حنعملها للعزومه
مثلا مانجه او فراوله او ممكن
عناب او تمر الهندى او الخروب جهزيه وحطيه فى زجاجه وفى الفريور عدل
خلص ثالث يوم
تااااااانى يووووووم قبل العزومه
ده حنخليه مخصص للحلويات والمحاشى
حنجهز شويه محاشى محترمه
انا بطريقتى بسويها واشيلها فى التلاجه
ولما اطلعها يوم الزومه بحط تحتها الشياطه وكانك بتسخنى رز
فى طريقتكم انكم بتخلوه نى للتسويه يوم العزومه
اعملى اللى يريحك المهم اخلى من الحشو قبلها بيوم
استنوووووووووو لسه كتير
التقييييييييييييييييييم
تحت اهو ههههههه
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره