فتوكاتي القمرات
اهلا بكم في
dr.yama’s japanese cuisine
كنت قدمت لكم عدد من الوصفات و الحمد لله حازت اعجابكم
ودي اللينكات بتاعتها
هوسوماكي سوشي من مطبخ dr.yama المصري الياباني
الحلوى اليابانية دايجاكو ايمو من مطبخ dr.yama الياباني المصري
ياكي اونيجري أو كرات الارز اليابانية من مطبخ dr.yama الياباني المصري
Hakusai roro-ni من مطبخ dr.yama الياباني المصري
و النهاردة ان شاء الله هقدملكم وصفة جديدة من المطبخ الياباني
طبق اليوم اسمه omurice
و هو عبارة عن بيض اومليت محشي ارز بالفراخ
عارفة انكم عملتوا كده ههههه
بس متستغربوش الاكلة دي جميلة و تفتح الشهية
و مفيهاش اي حاجة مش متوافقة مع تذوقنا كمصريين
يلا نبتدي بسم الله
المقادير
بصلة مفرية و فص ثوم
مشروم
صدور دجاج مقطعة مكعبات (المفروض تكون نيئة و تستوي مع الخلطة بس انا عملتها من بواقي بانيه عندي)
أرز (المفروض ارز مش مطبوخ بس برضه انا استخدمت ارز باقي عندي علشان اعرفكم اد ايه الاكلة سهلة)
الطريقة
هنشوح البصلة و نضيف المشروم و الدجاج المقطع وبعد شوية نضيف الارز و نقلب جيدا
(لو المكونات نيئة بتضيفيلهم ميه و تسيبيهم يستووا كويس)
وده الشكل النهائي هنغرفه في طبق التقديم
هنعمل اومليت عادي في طاسة تيفال بس خلي بالك يبقى مستوي و في نفس الوقت لونه اصفر مش بني
و نقلبه على الارز كده
هنجيب ورق مطبخ او ورق زبده و نشكل الاوليت فوق الارز و في نفس الوقت يمتص الزيت الزائد
نزين الاوميورايس بالكاتشب و نزين طبق التقديم بخضراوات متنوعة
وبعدين ……………voila
و تتاكل بالشوكة او الملعقة زي ما بناكل الارز بالضبط
وده لأول فتوكة هترد
برضه الوصفة دي سهلة جدا و ممكن تتعمل ببواقي الاكل زي ما وريتلكم
و كمان شكلها يفتح النفس أوي و طعمها جميل
ممكن تتعمل للإفطار و بدل الارز تحطي بطاطس مكعبات مسلوقة و متشوحة
وكمان الوصفة الاصلية فيها بسلة بس انا مضيفتهاش علشان يبقى اخف
او اي اضافات تانية تحبيها
اتمنى تكون الوصفة عجبتكم
سايونارا
مواضيع هذا القسم برعاية
dr.yama dr.yama 46_6.gif مشرفة الموقع Fatakat 46 i wish to live in utopia – my world