فتوكاتي القمرات
اهلا بكم في
dr.yama’s japanese cuisine
كنت قدمت لكم عدد من الوصفات و الحمد لله حازت اعجابكم
ودي اللينكات بتاعتها
هوسوماكي سوشي من مطبخ dr.yama المصري الياباني
الحلوى اليابانية دايجاكو ايمو من مطبخ dr.yama الياباني المصري
ياكي اونيجري أو كرات الارز اليابانية من مطبخ dr.yama الياباني المصري
Hakusai roro-ni من مطبخ dr.yama الياباني المصري
omurice من مطبخ dr.yama الياباني المصري
تشيكن ترياكي ckicken terriaki من مطبخ dr.yama الياباني المصري
الحلوى اليابانية Ichigo Daifuku من مطبخ dr.yama الياباني المصري
الكاري الياباني japanese curry من مطبخ dr.yama الياباني المصري
و النهاردة ان شاء الله هقدملكم وصفة جديدة من المطبخ الياباني
وصفة النهارده هي اوكونومياكي Okonomiyaki
ودي ببساطة شديدة عبارة عن عجة بمكونات مختلفة شوية
وهي مشهورة في مدينة اوساكا في اليابان و تعتبر الاكلة الشعبية عندهم
المكون الاساسي فيها هو الكرنب
و الكرنب اللي عندهم هو الكرنب الصيني الصغير اللي هو كرنب السلطة الاخضر عندنا
طيب ايه باقي المكونات؟
بيض و دقيق زي العجة بتاعتنا
اي بواقي لحوم عندك (فراخ – لحمة قطع – لحمة مفرومة – سمك – تونة – جمبري كابوريا – سبيط )
ولو عايزة تعمليها سادة مفيش مشكلة
ولو هتطلعي لحوم مخصوص لازم تسويها الاول
بصل – ملح – شوربة الحاجة اللي هتضيفيها او ميه لو سمك او بحريات
صوص احمر مخصوص طبعا هقولكم احنا هنستبدله بإيه
مايونيز او مسطردة
اعشاب بحر ودي هقولكم هنستبدلها بإيه
بصل اخضر
طيب نيجي للمقادير علشان متوهوش مني
كوب دقيق – بيضتان – ملعقة صغيرة بيكينج بودر – نصف كوب ميه او شوربة- التوابل اللي تحبيها على راحتك
ده للعجينة
ربع كرنبة سلطة – بصلة كبيرة – اضافة اللحوم
التزيين بقى
صلصة : 5 ملعقة كتشب – ملعقة خل – نقطتين مسطردة- نقطتين صوص صويا
او ملعقتين صلصة +3 ملاعق ميه + ملعقة زيت +ملعقة خل +نقطتين مسطردة+ نقطتين صوص صويا
ميونيز او مسطردة
بقدونس مفري للتزيين بدل اعشاب البحر
بصل اخضر مفري
الطريقة
هنضيف مكونات العجينة على بعضها و هتكون كده
وبعدين هنقطع الكرنب و البصل و اضافات اللحوم
وبعدين نقلب المكونات مع بعض بخفة
هنقليها في زيت قليل بحيث انها تبقى قرص متوسط و سميك
نستنى كام دقيقة لحد ما يستوى من تحت و بعدين نقلبها بالراحة بملعقتين قصاد بعض علشان تفضل زي ما هي و متقطعش
و هيكون شكلها كده
بالنشبة للتحمير لو بتحبيها طرية متحمريهاش أوي
لو بتحبيها مقرمشة خليها تحمر شوية زي الصورة كده
و بعدين هنزينها
اول حاجة الصلصة
هتضيفي مكوناتها على بعض و تفرديها على القرص
ملاحظة بقى صغيرة:
لو بتحبي القرمشة متخليش الصلصة سائلة لأن الصلصة السائلة بتخلي القرص يطرى بسرعة
و بعدين ترشي البقدونس المفري
ولو عايزاها ياباني اصلي اعملي الاضافات بالمأكولات البحرية او السمك او التونة ووهاتي اعشاب النوري اللي هي بيتعمل منها السوشي رول و افريكها و رشيها فوق القرص
وبعدين هنزين بالمسطردة او المايونيز حسب ما تحبي
ولو حابة شوية بصل اخضر مقطع على الوش
مواضيع هذا القسم برعاية
dr.yama dr.yama 46_7.gif Free Soul can’t be tamed Fatakat 46 i wish to live in utopia – my world