السلام عليكم احلي واجمل بنوتات وسيدات في الدنيا
طبعا انا واجعة دماغكو من امبارح بالصويا صوص الل عملتة وطلع تحفة والل مشافتش الموضوع الرابط في توقيعي
وقولتلكو انا عملاة خصيصا علشان اعمل بية اكلة
الاكلة دي روووووووووووووعة ومفاجاة
مفاجاه اية مانتي كاتبة اسمة في العنوان يالا ماعلينا هههههههههههههههه
بصو انا جبت الطريقة من ناس انجليز يعني من المصدر نفسة بس في حاجات معجبتنيش خالص فعملت النسخة المصري مش بيقولو المصري ام الاجنبي ههههههههههههه
بس خلاص كفاية رغي ندخل في الموضوع
المكونات:
قطع دجاج فيلية مقطعة شرايح مش رفيعة قوي ومش تخينة
جبنة موتزريلا مبشورة
جزر مبشور
واحدة بطاطس وسط مقشرة ومقطعة مكعبات
خس
ملح وفلفل وليمون
صويا صوص(الل انا فرحانة بية هههههههههه)
معلقة مستردة
معلقة مايونيز(عملتة في البيت وواخدة الطريقة من هنا وطلع حلو)
معلقة زبادي
الطريقة:
هنغسل الفراخ كويس بمية وملح وخل ونتبلها بليمون وفلفل اسود ومعلقة صغيرة صويا صوص ورشة ملح خفيفة جدا لاني حاطة شويا في الصوص وكمان الملح كلة بيكون في الدريسنج ونحطها في التلاجة كام ساعة او نبيتها من بليل
بعد كدة نجيب البطاطس المكعبات ونسلقها في شوية مية وبلاااااااااااااش ملح قولنا دة في الدريسنج وانا بحب احط في مية السلق شوية لبن بيدي طعم عسول قوي
نبشر الجزر والخس زي بعض
ونعمل سيزر دريسنج بقة: وهو عبارة عن معلقة صويا صوص معلقة مستردة معلقة زبادي معلقة مايونيز ملح وفلفل حسب مابتحبي الاكل ملحة ازاي
واحنا بنعمل الدريسنج نجيب الفراخ ونحطها في زيت خفيف علي النار تستوي وتتحمر في نفس ذات الوقت وبعد ماتستوي نجيب فحمة في قطعة فويل ونحط في الفويل شوية زيت خفيف وعليها الفحمة بعد مانولعها طبعا وندخن الفراخ شوية
علي مالفراخ تتدخن نبدا تجهيز السلطة بتاعتنا نجيب علبة تلاجة او اي حاجة بغطاء محكم ونحط شوية دريسنج وفوقها خس وجزر ونحط طبقة تانية من الدريسنج ونحط موتزريلا وبطاطس وطبقة كمان طبقة دريسنج وبعدها الفراخ وتدخليها التلاجة تسع ست سنين كدة ههههههههههههه بهزر طبعا بس هي جمالها انها تسقع اطول وقت ممكن
بس خلاص انا خلصت والطبق دة راقي جدا وتحفي في العزومات والطعم وهميييييييييييييي
بس بجد الل هتتريق علي الصور هعيط انا عمالة اقولكو انا في صحرا والاضاءة عندي وحشة جدا احمدو ربنا ان في اضاءة اساسا هههههههههه بصو ادو للالوان درجتين افتح شايفاكي يالل بتتريقي
ودة بعد مابردت
ودة طبق العشا بتاع اول فتوكة هترد طبق سلاطة وساندوتش شاورنة فراخ بعيش التورتيلا
انا مش هطلب منكو تقييم دي مسالة زوقية بس هطلب منكو دعوة حلوة
يارب تكون عجبتكو
سلام عليكم
مواضيع هذا القسم برعاية
polar.star polar.star 551360_1.gif فتكات هايلة Fatakat 551360 المنصورة – مصر