أزيكم يا احلي فتوكات في حياتي
الصراحه دي اول مشاركه ليه في القسم الجميل والخفيف واللزيز دا
انهارده هقدم لكم طريقه شوربه الحب والشوربه دي معتمده في الخليج وبالأخص في أيام شهر رمضان المبارك
هي شوربه لزيزه جداً وخفيفه وصحيه جداً وتناسب كمان اللي بيعملو دايت اوي والصراحة انا كنت بخس عليها جداً وكمان بتشبع اوي
ندخل علي المقادير والطريقة وكفايه رغي بس حبيت أعرفكم علي بعي وعلي فكره هما يقصدو بالحب اللي هو القمح
المقادير
نص كيلو لحمه
بصل وبهارات لللحمه
كوب كبير طماطم حمره ومستويه مضروبه بالخلاط
نص كوب شوفان
نص كوب قمح مغسول ومنقوع اقل شي ساعتين
فصين توم مدقوقين ناعم
والقمح اللي هنستخدمه يفضل يكون مدشوش شويه مش ناعم اوي ودا شكله اهو
وهنا اهو وانا نقعاه
ودا نوع الشوفان اللي استخدمته
ندخل علي الطريقه
هتسلقي اللحمه بطريقتك المعتادة عادي خالص
وتكوني ضايفه معاها البصل والبهارات بتاعتك
ونسبها تغلي نص ساعه وبعد كدا هنضيف عليها القمح والطماطم والتوم بالشكل دا
ونسيب اللحمه تستوي براحتها علي نار هاديه هي والقمح والطماطم والتوم
ولما نلاقي اللحمه خلاص استوت هنضيف الشوفان والملح ونسيبها كمان ربع ساعه تقريبا علي نار هادي او نطفي نسيبها تريح عشان الشوفان يستوي
وبالهنا والشفا ودا شكلها النهائي عند التقديم
بتمني أنكم تجربوها لانها لزيزه وصحيه جداً
ومتنسوش التقيم يا حلوين عشان تشجعوني انزلكم مواضيع تانيه
والمره الجايه هنزلكم طريقه عمل سلطه بيتزا هت بكل تفاصيلها وكمان والله احلي
مواضيع هذا القسم برعاية
لوجا حبيبى لوجا حبيبى 1016834_1.gif فتكات رائعة Fatakat 1016834 جده – السعوديه