ازيكو يافتوكات يارب تكونو باحسن حال
انا جيبالكو النهارده سلطه الكلو سلو
بجد عملتها والحمد لله عجبتني وعجبت زوجي جدا
ومن سر نجاحها وانها تبقي زي بتاعه بره
انها لازم تبات في التلاجه لتاني يوم مثلا عشان كل المكونات تختلط ببعض كويس
وبسم الله نبدا
المقادير دي لكميه صغيره يعني هتعملك طبق زي الي هتشوفيه دلوقتي
صوره بقي الاول
(المقادير)
1 كوب كرمب مبشور او مقطع قطع صغيره
1 كوب جزر مبشور
5 معالق كبيره مايونيز او زبادي للي عاملين دايت
1 معلقه خل
2 معلقه سكر
1معلقه عسل ابيض
(الطريقه)
هنقلب الجزر والكرمب مع السكر والعسل والخل الاول كويس جدا
وبعدين نضيف المايونيز
ونقلب بردو كويس لحد ما تحسي ان السكر اختفي
والتقليب هيكون من تحت لفوق
وبالراحه لحد المكونات ما تمتزج كويس بازن الله
وتسيبيها في التلاجه لتاني يوم
ودوقي بقي احلي كلوسلو زي بتاع كنتاكي
وتعالو نشوف التقديم بقي
يلا مع السلامه يااحلي فتوكات
ومتنسوش التقييم
وردي ولو كلمه بسيطه تفرح الي قدامك
في رعايه الله ياقمرات
مواضيع هذا القسم برعاية
امواج دافئة2016 امواج دافئة2016 420173_23.gif شيف فتكات Fatakat 420173 الرياض – السعوديه