شوربة الخضار المبشورة لكل فتوكة أمورة : )

السلام عليكم ورحمه الله وبركاته
ازيكم يا فتوكات يا قمرات؟؟
وحشتوني جدا جدا
يا ترى ايه اخر الاخبارات؟
النهاردة هوريكم شوربة الخضار المبشورة
مع العيش المحمص الجامد جدي، من حلاوته يتاكل لوحده
اتفرجوا وقولولي رأيكم
الطريقة
1. ابشري 5 كوسة + 5 جزر + 5 بطاطس + بصلة + فص توم

2. شوحي الخضار في شوية زيت وضيفيلة فصوص فراخ مسلوقة تكون باقية عندك من الغدا مثلا.

3. ضيفي حوالي 10 اكواب ماء + 5 مرقات + فلفل اسود وملح وسيبيها على النار لحد ما الخضار يستوي، وتعالي نجهز العيش المحمص التحفة
هاتي عيش لبناني وقطعيه وقسميه 3 اقسام
القسم الأول هنضيفله توم مفروم ونعناع جاف وفلفل اسود وملح وزيت ونقلبه كويس

القسم الثاني
هنضيفله بصل مفروم وكركم او كاري وفلفل اسود وملح وزيت وبرده نقلبه كويس

القسم التالت نضيف له زعتر او بردقوش او الاثنين، وزيت وهنعمل ايه؟ طبعا هنقلبه كويس P:

وندخل العيش الفرن او الميكروويف لحد ما يتحمص.

4. قدمي الشوربة مع العيش المحمص وبالهنا والشفا

قولولي رأيكم يا قمرات
ومتنسوش التقييم مواضيع هذا القسم برعاية

basmalah_s basmalah_s فتكات رائعة Fatakat 550888 القاهرة – مصر

سبحان الله و بحمده