ازيكو يا بنات
كل سنه وانتو بالف خيرا
بمناسبه ايه؟
عيد الاضحى هى التهنئه جايه بدرى بس شويه هههههههههه
المهم انا انهارده ان شاء الرحمن هاقولكم على شوربه الفول النابت بطريقتى ومن مطبخى من الاول خالص وبالصور لعيون الفتوكات يا رب تعجبكو وتستفيدو منها باذن الله
الفول طبعا اللى بحب استعمله هو دى يا بنات لانه بجد روعه ومش محتاج يتنقى يا دوب اغسله
طبعا بتغسليه يا فتوكه وتنقعيه
ولازم الميه تكون غمراه كله
شوفو بعد مرور 24 ساعه
حجمه اتضاعف ازاى
نجيب بقى مصفاه وفوطه مطبخ نضيفه نبللها ونعصرها كويس ونفرشها فى المصفاه ونفرد عليها الفول وبعدين نغطى بفوطه تانيه برضه مبلله ومعصوره وطبعا الصور هتبين انا اقصد ايه وكمان صورتلكو مراحل تنبيته وهو تقريبا بياخد من 5 الى 7 ايام مع مراعاه ان الفوطه العلويه دايما تكون مبلله وبتحطيه فى مكان تهويته جيده وبعيد عن الشمس
يعنى على ترابيزه المطبخ مثلا فوق الثلاجه وطبعا المصفاه بتكون على طبق عشان لو اتسرب منها ميه
شوفو الصور كده
استنونى المشاركه اللى جايه هنعمل الشوربه مع بعض
مواضيع هذا القسم برعاية
ام حور كاتى ام حور كاتى 450855_13.gif مشرفة الموقع Fatakat 450855 القاهره – مصر