السلام عليكم
ازيكم يافتوكات بصراحه ده اول موضوع اعمله فى قسم الطبخ وانا من اشد المتابعين ليه
ونفسى انزل كل الاكلات اللى بعملها
نبدأ بقى بس معلش مصورتش الخطوات لانى نسيت بس مصورة الشكل النهائى
اولا انتى بتسلقى المكرونه عادى بس تسلقيها نص سلقه
والمكرونه بتتسلق تبدأى تحضرى الصوص الابيض
ومكوناته
زبده او سمنه
معلقتين دقيق
كوب كريمه لبانى (ولو مش عندك هاتى كوبايه لبن ودوبيها مع كوبايه زبادى وعلبه قشطه)
كوب لبن
ملح وفلفل يفضل ابيض
اى توابل بقى انتى تفضليها فى الاكل
ملحوظه: الصوص الابيض هو البشاميل بزياده الكريمه اللبانى هى اللى بتديله طعم ودسامه
تحضرى الصوص ازاى
تجيبى حله وتحطى الزبده مع الدقيق وتقليبهم كويس
وبعدين تنزلى باللبن وتقلبى
وبعدين تنزلى بالكريمه اللبانى وتقلبى
ولو عايزة صوص تقيل زودى دقيق
ولو عايزاه خفيف زودى لبن او كريمه
وتقلبيهم كلهم كويس اوى على نار هاديه
ولما تحسى انه استوى
ضيفى المكرونه على طول متسيبهاش تبرد وهى سخنه
حطيها على الصوص
ودوقى احلى مكرونه
وادى صورتها واعذرونى على عدم تصوير الخطوات لانى متوقعتش انى هنزلها
يارب تعجبكم بجد
https://files2.fatakat.com/2015/10/13821212894847.jpg مواضيع هذا القسم برعاية
nour eslam nour eslam 497780_1.gif فتكات هايلة Fatakat 497780 القاهرة – مصر
