السلام عليكم ورحمه الله وبركاته
انا هقولكم بقي علي رز بسمتي حكااااااااااااااااااااايه
من اخترعاتي والله
مفيش حد قولتله عليه وعممله الا وعجبه وعجب جوزة كمان
يالا اهفرجكم الاول علي طبق وبعدين اقولكم الطريقه
بصي ياستي منك ليها
المكونات
رز بسمتي
بصله صغيرة
ربع جزرايه
نص فلفل اخضر
نص طمطمايه
حبهان
ورق لوري
قرنفل
لو عندك ليمون مجفف انا مش عندي ومش استخدمته
كبيبه صيني لو عندك
كاري كركم لو عاوزاة لونه اصفر مش عاوزة سيبيه ابيض حلو برضو
زيت او سمنه
شوربه -مايه
ننص مكعب مرقه دجاج
اي بهارات عندك
ززبيب لو حابه
الطريقه
تخرطي البصلايه صغير في حله
ترفعيها علي النار وتضيفي زيت او سمنه بسيط
وتقلبي لغايه ما تدبل شويه
تضيفي شويه كاري وكركم ولو شويه بهارات خفيف
تغسلي الرز كويس وتنزلي بيه وتقلبي شويه علشان يكون مفلفل مش معجن
وبعد كدة تنزلي بالشوربه وشويه مايه وتغطي بشويه صغيرين
وتفركي نص مرقه الدجاج
تيجي بقي تكوني مقطعه الجزرايه صغير والفلفل والطماطم وتحطيهم
ونحطي كام واحدة من الحبهان لوري كبيبه زبيب قرنفل كبيبه ليمونه مجففه
وتقلبي
وكمان تحطي الملح وخلي بالك مش كتير لان في شوربه ومرقه دجاج
هتسيبيه علي النار يغلي كله لغايه قبل ما يبدا يتشرب وبعد كدة تنقليه علي نار هاديه وشويه وتحطي الشياطه الرز
وهتشمي احلي ريحه والله
وبالهنا والشفا
مش عاوزة منكم لا تقييم ولا غيرة عاوزة دعوة بالذريه الصالحه قريب عاجلا غير اجل يااارب
انا وكل مشتاقه
مواضيع هذا القسم برعاية
مول العروسه فيه كل حاجه مول العروسه فيه كل حاجه فتكات هايلة Fatakat 639603 cairo – egypt