***السلام عليكم ورحمة الله وبركاته***
إزيكم ياأحلى أصحاب وأخوات فى الله
وحشتووونى
صحيت من النوم متأخر وقدامى ساعة ونص ولازم يكون الغدا عالسفرة والجو حر موووت 
فضلت الف حوالين نفسى وأفتح الفريزر وأقفله أكتر من مره لغااااية ماخطرت على بالى فكرة مجنونه بس لو ظبطت هيبقى أحلى وأخف وأسرع غدا للجو الحر ده..
المطلوب
1- توست
2- مايونيز
3- جبنة كرافت أو كيرى أو حتى لبنة تركى
4- بيضة
عندى كل المطلوب ماعدا التوست 
مش مشكلة عندى عيش فينو وأهو يقضى الغرض
طلعت الفينو من الفريزر وقطعتوا طرنشات ذى التوست
وبسرعة كسرت البيضة على معلقتين كبار جبنة كرافت على معلقه ونص مايونيز وقلبت كويس وبقى كده
جبت صنية دهنتها زيت ورصيت الفينو
بمعلقة صغيره حطيت الخلطة على الفينو ودخلتها الفرن
هاتى بقى ياحلوه كرسى وإقعدى جنب الفرن
حوالى سبع دقاايق فى الفرن وتكون تمااااااااام …خدى بالك مابتاخدش وقت يعنى ماتقوليش أسيبها فى الفرن وأروح أخدلى دوش!!
ودى بعد ماطلعتها من الفرن ووزينت جزء بالبقدونس وجزء بالبيض المسلوق
وياسلام لو كوباية لبن أو أى عصير بتحبيه 
جربوها خفيفه جدا وسريعه ماخدتش منى نص ساعه والأطفال هتحبها أوى
وكل واحدة تزود الكميه براحتها وممكن تعملى جنبها توميه
بالهنا والشفا
سبحان الله . الحمد لله . لا إله إلا الله . الله أكبر
https://content.sweetim.com/tbsig/sig.asp?img=ad1 مواضيع هذا القسم برعاية
beroo82 beroo82 361383_4.gif فتكات هايلة Fatakat 361383 القاهرة والمعمورة بالدوحة – مصر وقطر