السلام عليكم ورحمة الله وبركاتة
السمبوسة بعملها بطريقة الشيف لطيفة ربنا يجعله في ميزان حسنتها وبجحد بتطلع روووعة واحسن من الجاهزة مليون مرة ومش بتشرب زيت خالص
بجد جربوها هتعجبكم اوووي
وكمان سهلة وممكن تبدعي براحتك في العجينة وتضيفي لمستك زي متحبي وهتطلع برضو مظبوطة
المقادير
2 كوب دقيق
1 معلقة نشا كبيرة
ربع كوب زيت
رشة ملح
معلقة صغيرة زعتر بتدي ريحة حححلوة اووي للعجينة
ماء للعجن طبعا حسب الدقيق عندك وحسب مالعجينة تلم معاكي
هنا ضيفت كل المقادير السابقة علي بعضها وبدأت اخلي الدقيق يشرب الزيت كلة
وابدأ اضيف المية والمح العجينة
وهنا عجنتها و العجينة خلاص بقت تمام ومش بتلزق وبتتشد معاكي
بسيب العجينة تستريح حوالي ساعة او اتنين
بغطيها بكيس واسيبها ترتاح في المطبخ
هنا خلاص العجينة ارتاحت وجاهزة للشغل
كنت مجهزة الحشو بتاع السمبوسة انتي ومزاجك بقي
انا كنت مجهزة حشوتين واحدة جبنة رومي مخلوطة بمعلقتين جبنة كيري وقطعت عليها فلفل مش حار
و الحشوة التانية جبنة فيتا عليها بصلة مقطعة وفلفل وزيتون
بدأت اشتغل في العيجنة فردتها وقطعتها مربعات وعملتها في ماكينة السمبوسة علي فكرة مش غالين اشتريتهم من محلات اتنين ونص كانت العلبة فيها اتنين واحدة صغيرة وواحدة كبيرة
وبحط الحشو في النص واقفل عليها
لسة هكمل في المشاركة الجاية
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _