ازيكوا يا فتوكات من اولها بقى التقييم متنسوش والا انتوا عارفين الصراحه تعبت فيه نبدأ بسم الله:
المقادير
1- نصف كيلو لحم مفروم
2- اربع بصلات كبار
3-ربع كليو فلفل رومى ( الكميه حسب الرغبه )
4- 2 حبه طماطم
5- ملح . فلفل . معلقتين كبيرهبابريكا . معلقتين كبيره سُماق .معلقتين كبيرهكُبيبه صينى . معلقه قرفه
6- اربع معالق سمن او زيت
الطريقه
نتبل اللحمه بالتوابل ونبشر بصلتين بس (وباقى البصل هقولك عليه بعدين )بشر ناعم ونبشر الطماطم ونبشر الفلفل الرومى لو بتحبى الحراق ممكن تحطى قرن فلفل حامى وتخلطيهم كويس اوى ونحطهم فى التلاجه من بالليل للصبح وده شكلها
ونطلعهم الصبح ونقطع البصلتين الباقيين بالسكينه تقطيع متوسط ونحطهم على الخلطه
اكيد الكل هيسأل عن التوابل ودى صورتها من اليمين السُماق , بابريكا , كُبيبه صينى والتوابل دى مهمه جداً لانها دى اللى بتدى طعم الحواوشى المميز بتاع المحلات ودى الصوره
نجيب فويل والعيش اى نوع بلدى شامى اللى تحبيه انا استخدمت عيش بيجيلى من البلد نقطع الفويل على مقاس العيش ونده العيش من جوه وبره سمن او زيت ونفرد اللحم وده شكله
ونلفه كويس وده شكله
ونحطه فى الفرن على الرف اللى فى النص ونولع الفرن من تحت على اعلى درجه ولو عايزه الحواوشى طرى عشان الولاد حطى صينيه فيها مياه فى ارضيه الفرن ويفضل حوالى ساعه الى ساعه ونصف حسب نوع اللحمه وبعد حوالى نصف ساعه نقلب الحواوشى على الناحيه التانيه عشان نضمن انى يستوى من الناحيتين واهو الحواوشى طلع وريحته جنان وطعمه ايه woooooooowwwww واهو شكله جنان وبالهنا والشفا
مواضيع هذا القسم برعاية
mareka elanteka mareka elanteka فتكات هايلة Fatakat 590378 الجيزه – مصر