السلام عليكم ورحمة الله وبركاته
بسم الله ما شاء الله
جبت لكم طريقة خبز العروق باللحم
اهي اكله كويتيه عراقيه ايرانيه
تقريبا اكثر الدول المشهورين فيها هم الكويت والعراق وايران
اليكم الطريقه بالتفصل
مثل ما تشوفون في الصوره
حزمة بقدونس وحزمة كسبره وبصل اخضر وكرفس وشبنت واربع حبات طماطم مقطعه وحبتين بصل كبار مفرومين وقرن فلفل حار(حسب الرغبه)
والبهارات كسبره ناشفه مطحونه وصحيحه وكمون مطحون وصحيح وكركم وفلفل اسود وملح وفلفل احمر بودره(حسب الرغبه)
خلطت الخضار بالهارات وحطيت عليهم نص كيلو لحم مفروم
بعد ما خلطناهم كويس
نرش الطحين تدريجيا مع ملعقه بيكنج باودر وملعقه صغيره خميره فوريه
ونبتدي العجن التدريجي بدون ماااااااااي
ماي الخضار واللحم كافي
ونخليها ترتاح تقريبا ساعه
البعض يقول ليه ما نحط الطحين مره وحده الجواب ان اسهل للعجن وارتب وزيادة تأكد انه مفيش كلكعه في العجينه
المهم نسخن مقله فيها زيت بسيط مش غزير يعني مو نفس البطاطس ولا السمبوسه
يرتفع الزيت عن المقله 2 سانتي بس
ونقرص العجينه ونحطها فورا في الزيت ونقليها على الوجهين
نصيحه اثناء التقريص حطي ماي علشان تغطسي ايدك فيها قبل كل قرص علشان تتزحلق من ايدك للمقله
هذا شكلها
مواضيع هذا القسم برعاية
hisky hisky images/avatars/sunset.jpg فتكات ست الكل Fatakat 108240 العاصمه – الكويت