النهارده انا معايا مكرونه لذيذه اوى وتنفع مع السمك المشوى بدل الرز يعنى يافتوكات تغير
وكمان اصابع سمك مقلى لذيذه اوى وادينا بنغير شويه وخصوصا انه شهر رمضان فرب وعلشان كده
انا بقدملكم اكلات من مطبخى علشان لما تزهقو من المحشى والممبار تعملوها
يلا نبدا المقادير بالنسبه للمكرونه
نص كيلو مكرونه اسباجتى +نص كيلو سبيط+عدد 2 عود بصله اخضر
+2 فص توم كبير+فلفل حار+ 2معلقة زيت كبيره+معلقه واحده زبده صفراء+3 حزمة كسبرة خضراء مقطعه
اما بالنسبه للفيش فينجر او اصابع السمك هى
نص كيلو سمك فيليه مقطع اصابع+ معلقه كبيره مسطرده+عدد واحده ونص ليمونه +
نص معلقة ثوم بودرة +زعتر وكمون وملح وفلفل
يلا نبدا اولا نتبل السمك بكل المقادير الخاصه بالفيش فينجر ونتركها ساعة فى التلاجه
ثم نضعه فى دقيق ثم بيض ثم بقسماط وندخله الفريزر نص ساعه
علشان هنقليه بعد تجهيز المكرونه ويبقى سخن وجميل
يلا نعمل المكرونه نضع الزبده + الزيت + التوم ونشوحه فقط مش نحمره
ثم نضع قطع البصل الاخضر والفلفل الحار ونقلبها كويس
ثم نضع السبيط ونقلبه ونضع الفلفل وبلاش الملح دلوقتى لان السبيط مالح
ثم نضيف الكسبرة الخضرا على السبيط ونقلبه
ونغطى السييط لمدة 5 دقائق ولازم يكون على نار عاليه وبعد كده نسلق المكرونه
فى ماء وملح انا عن نفسى مش بسوى المكرونه اوى ملحوظه لازم ملح مع المكرونه
لانى ما حطيتش على السبيط ملح
ثم نضع المكرونه على السبيط ونقلبه كويس
ثم نرجع الى السمك ونحمره فى زيت مع معلقة سمنه
وده شكل الطبق بعد التقديم
اتمنى انه يعجبكم ويعجب كل فتوكه وبالف هنا
ومش عايزه منكم غير دعوه من القلب للرب يااحلى فتوكات ماشى ولا,,,, مواضيع هذا القسم برعاية
فريدة فى كل شىء فريدة فى كل شىء 591458_22.gif برنسيسة فتكات Fatakat 591458 القاهرة – مصر