السلام عليكم ورحمة الله وبركاته
ازيكم يا فتوكات بقالى كتير مش بنزل مواضيع
قولت المرة دى انزلوكو السمك والجمبرى الى عملته
اولا الصورة وبعدين اقول كل حاجة بالتفصيل
الاكل كان عبارة عن سمك بلطى مقلى وجمبرى صنية وشوربة وارز وسلطه وطحينة وبس
اولا طريقة عمل رز السمك
بقطع بصلة قطع صغيرة لحد ما تحمر وكل ما تحمر اكتر بتغمق لون الارز
وبعدين اضيف الرز واقلبه تقليبة مع البصل وبعدين اضيف الماية بتاعة الرز زى الرز العادى
واحط التوابل واول ما المياه تقرب تنشف بهدى النار اوى واسيبه لحد ما يستوى
وادى شكله النهائى
ثانيا طريقة عمل السمك البلطى بنظفه كويس جدا واغسله بالخل والليمون
وانقعه فيهم شوية وبعدين اعمل دقة وهى عبارة عن
(فلفل اخضر حامى وتوم وملح وتوابل سمك ) وادقهم جامد واتبل بيهم السمك
من برة وجوة زى الصورة دى
وبعدين نقلبه فى الدقيق وبعدين على الزين السخن لحد ما يستوى
وتطلعيه بس كده
ثالثا طريقة عمل صنية الجمبرى وبجد بقى عمرك ما هتدوقى احلى منها
اولا بغسل الجمبرى كويس اوى وبخليه بقشره وانقعه فى الليمون شوية
بس مش كتير عشان ميتهريشزى الصورة دى
وبعدين فاكرين الخلطة بتاعة السمك هنجيب منها شوية مش قليلين
وطماطماية نقطعها صغير اوى وعليه توابل السمك وقلبى زى كده وربع فنجان مياه
وبعدين فى الفرن وولعى النار من تحت وحطيه فوق الارضية برف
والنار تكون متوسطة عشان الصوص مينشفش وعشان ميتهريش
وبس كده واما يستوى قدميه وخلاص
رابعا طريقة عمل الطحينة بتجيبى الطحينة من الراجل
وتحطى شوية فى طبق وعليهم فصين توم مدقوقين كويس وشوية مياه
وتوابل وكمون وقلبى كويس وبس كده
والسلطة طبعا سهلة مفهاش حاجة والشوربة بقى كانت اول مرة اعملها
وان شاء الله احتمال تبقى اخر مرة الا لو واحدة فيكو كده شطورة تقولى على
طريقة حلوة واتمنى موضوعى يكون عجبكم
ودى صورة تانية للذكرى هههههههههههه
يلا الى عجبو الموضوع يقيم ويدعى لى بالذرية الصالحة انا وكل مشتاقة من امة المسلمين
عشان نفسى اوى ابقى ماما عن قريب ان شاء الله
فى حفظ الله
استنى استنى يلى خارجة من غير تقيم شوفتك من الخرم اهو براقبكو
مواضيع هذا القسم برعاية
فتوكة جديدة قديمة فتوكة جديدة قديمة images/avatars/whiteflower.jpg فتكات ست الكل Fatakat 700989 cairo – egypt