السلام عليكم وكل سنة وانتم طيبين ياقمرات
ده تالت موضوع ليا في قسم المطبخ ولو اني مليش حظ في القسم ده معرفش ليه مع ان نفس فكرة موضوعي اللي فات بتاعت الكيس الحراري اتميزت واتثبتت
وده موضوعي الاول شرايح اللحم بالبطاطس جميلة جدا يمكن تعجب حد وينفذها
https://fatakat.univanet.com/#4066115
المهم ماعلينا يارب الاقي منكم تشجيع المرة دي
انا كنت عاملة عزومة صغيرة كده على قدي لاخواتي مكنش حد غريب يعني عشان مامتي كانت مسافرة وبما انهم بيحبوا النواشف عملت كفتة الحاتي وشيش طاووق ورز بسمتي بالزعفران
نبتدي بالفراخ وهي صدور بس مش بانيه صدر كامل وبقطعه عشان تبقى القطعة محترمة كده
والتتبيلة : زبادي – مايه بصل – 3 فصوص توم – م كاتشاب – م مستردة – ملح وفلفل – بهارات فراخ – عصير ليمونة – م صلصة – م زعتر كبيرة
ودي شكلها في التتبيلة قطعت معاها فلفل رومي وبصل
انا عملتها في الكيس الحراري ورمتها في الفرن عشان كنت مستعجلة وبعدين طلعتها تاخد لون خفيف ع الشواية بس الاصح والاحلى انك بتاخديها صدمة ع النار تاخد لون وتقفل المسام وبعدين تكمل في الفرن بس زي ماقلتلكم كنت مستعجلة ومشغولة في الكفتة
وده شكلها لو كانت اخدت صدمة كانت هتبقى لونها احلى من كده
تاني حاجة الكفتة وكانت تحفة يابنات حتى اختي قالتلي طعمها احلى من بره
دي اللحمة وبشرت عليها شوية لية
ودي باقي المكونات بصل معصور – بقدونس – خلطة الكفتة بحط منها معلقة كبيرة بس – ملح وفلفل – كبابة صيني
وهنا صبعتها في الصنية وحطيت حتت صغيرة سمنة وحطتها في الفرن اهم حاجة في التسوية تكوني مسخنة الفرن كويس واول ماتلون معاكي تشغلي الشواية عشان تفضل طرية ومتنشفش
وهنا بعد ماطلعتها وحطتتلها حتة فحم صغيرة
الرزالبسمتي الاصفر
كوبايتين رز منقوع تلت ساعة تقريبا وجبت زبدة على زيت حطيت فيهم
2 لورى – 2-قرنفل – 2 حبهان وتشوحي التوابل في الزبدة الاول عشان تبقى النكهة قوية وبعدين تشوحي معاهم الرز
شوحت الرز كويس وضيفتله نصف مكعب مرقة والميه
واول ماقرب يستوي جبت اقل من ربع كوباية مايه وزودت بودرة الزعفران بس ماتكتريش لان ده لون يدوب قطر بطرف المعلقة وضفت الزبيب
ودي كمان طريقة الرز المصري بالمكسرات زي بتاع المحلات بالظبط بس دي للي ليهم في المسكر شوية لانه بيتعمل بالسكر ومبيتحطلوش ملح هي الصور شارحة نفسها
تابعوني هكمل صور الاكل كله في المشاركة الجاية
مواضيع هذا القسم برعاية
manola2016 manola2016 502057_5.gif فتكات رائعة Fatakat 502057 الجيزة – مصر