النهاردة عملت فته باللحمة كانت وهم انا اول مرة اعملها بالصلصه بصراحة
[COLOR="rgb(75, 0, 130)"]الاول هنسلق اللحمة طبعا
اقولك تطلعى شوربه اللحمة خفيفه ازاى هتجيبى اللحمة وتغسليها الاول كويس جدا لحد ماتنزل دمها وبعدين تجيبى الحله بتاعتك ونحطى اللحمة وتسبيها بالمايه هتفضل تغلى شويه وتطلعى الريم اهم مرحله لازم متخليش فيها اى ريم عشان مش تمرر وبعدين تشيلى اللحمة والشوربه اللى فضلت وتغسلى الحله كويس او تغيريها وتجيبى حته سمنة ومستة وحبهان وورق لورى وبصلة متقطعه 4 وبعدين تحطى اللحمة وتاخديها وش كدا بس مش تحمريها وبلاش نصاحة هههههه وبعدين انزلى بالشوربة بتاعتك هتقوليلى طيب ما هى بتنقص طبعا تونى غاليه مايه وتحطى عشان تظبطى الشوربه وومنوع منعا باتا تحطى ملح الا لما اللحمة تستوى وتحطى بقى بهاراتك انا بحط بهارات لحمة وقرفه وجنزبيل وففل اسود صغنين جدا جدا وبس
2 – هتسلقى الارز طبعا
انا حطيت ملعقه سمنة وبعدين غسلت الارز وحطيته وظبطت معيار الماية وحطيت الملح
[COLOR="rgb(75, 0, 130)"]3- العيش المحمص
تجيبى العيش بتاعك وتقطعيه بالمقص عشان يبقى متساوى وتجيبى المقلايه وتحطى حته سمنة وشويه زيت عشان مش يتحرق وحطى العيش وقلبيه لحد مايتحمر وطلعيه على مناديل بجد احلى من دخوله الفرن وسهل ومش اخد وقت
[COLOR="rgb(75, 0, 130)"]4 – الثوم والصلصله بالخل[/color]
تجيبى التوم بتاعك وتدقيه بالملح وتحطى شويه كمون وشطة وانا حطيت حبه كارى كدا تتطعم حسب الرغبه وبعدين تحمري التوم فى حته سمنة وتحطى بقى الصلصه بتاعتك واانا حطيت معاهم ملعقه شوربه كدا تتطعم التومة وطبعا حطيت خل وطعهما روعه بجد
ودى شكلها بعد مااتظبطت
[/color]
عملت بقى الحلو كريم كراميل
انا عملت الكراميل فى البيت طبعا هتجيبى السكر انا حطيت كوبايتين سكر وتحطى معاهم كوب مايه وتسبيهم لما يغلى حطى نقطتين عصير ليمون وبعدين سبيه شويه لما اللون يتغير انزلى بشويه لبن وحتة سمنة تطعم معاكى انا كمان حطيت رشه قرفه طعمها تحفه جدا وهتجيبى القوالب وتحطى الكراميل انا وزعته فى القالب كله مش القعر بس وحطيت الكريم وسيبته لما برد وقلبته زوقته بالقرفه والشيكولاته البودر
[/color] مواضيع هذا القسم برعاية
ag_romeo ag_romeo 395985_2.gif فتكات رائعة Fatakat 395985 بورسعيد – مصر